ԱՄՆ նախագահ Ջո Բայդենը համավարակի դեմ պայքարի կառավարության նոր ռազմավարության վերաբերյալ ելույթի ժամանակ կատակել է, որ ԱՄՆ գլխավոր վարակաբան Էնթոնի Ֆաուչին այնքան է ներգրավված Սպիտակ տան գործերում, որ երբեմն թվում է, թե նա իսկական նախագահն է։
«Ես բժիշկ Ֆաուչիին ավելի հաճախ էի տեսնում, քան կնոջս։ Տեսեք՝ ով է նախագահը։ Ֆաուչին»,-ասել է նա, փոխանցում է Fox News-ը։
Հինգշաբթի Բայդենը ներկայացրել է ձմռան շրջանում երկրում կորոնավիրուսի տարածման դեմ պայքարի նոր ծրագիր, որը չի ներառում լոքդաուն մտցնելու հնարավորություն։ Նրա վարչակազմը մտադիր է կենտրոնանալ COVID-19-ի դեմ ԱՄՆ բնակչության թեստավորման և պատվաստումների ընդլայնման վրա:
