News
Լրահոս
News
Չորեքշաբթի
Մայիս 29
Տեսնել լրահոսը

Հայ-Ռուսական համալսարանում դեկտեմբերի 6-ին մեկնարկել է ՀՌՀ-ի 15-րդ ամենամյա գիտաժողովը, որի ընթացքում ֆիզիկամաթեմատիկական, բնագիտական և հումանիտար գիտական ուղղություններով ներկայացվելու է ավելի քան 363 զեկույց:

ՀՌՀ մամուլի ծառայությունից NEWS.am-ին հայտնում են, որ իր բացման խոսքում Հայ-Ռուսական համալսարանի գիտական գծով պրոռեկտոր Պարգև Ավետիսյանը նշել է, որ ՀՌՀ-ի ամենամյա գիտաժողովն իր որակով և բովանդակությամբ հավակնում է միջազգային նշանակության կարգավիճակին:

«Այս ընթացքում մենք անցկացրել ենք բազմաթիվ մասշտաբային կոնֆերանսներ և գիտաժողովներ: Պետք է նշեմ, որ 2020-2021թթ. ընթացքում ՀՌՀ-ն, ինչպես և մնացած բուհերը, գտնվում էին ոչ դյուրին պայմաններում ինչպես կրթական, այնպես էլ գիտական գործունեության կազմակերպման տեսանկյուններից: Ամփոփելով այս երկու տարիները` պետք է ուրախությամբ փաստեմ, որ մեր համալսարանը ոչ միայն դիմացավ այդ գործոններին, այլև ի ցույց բոլորին մեր համալսարանում բարձր մակարդակով անցկացվեցին և կրթական գործընթացները, և գիտական միջոցառումները: Մեր բուհի գիտական կոլեկտիվները պատվով են մրցակցում այլ բուհերի ներկայացուցիչների հետ: Եվ ես առաջին հերթին նկատի ունեմ ՀՀ գիտության կոմիտեի կողմից անցկացվող մրցույթների արդյունքները, որոնք փաստում են, որ ՀՌՀ-ն իր արժանի տեղն է զբաղեցնում ոչ միայն Հայաստանի գիտական տիրույթում, այլ նաև արտասահմանյան հեղինակավոր գիտական շրջանակներում»,- շեշտել է նա:

Գիտաժողովի բացմանը ներկայացվեցին նաև ՀՀ-ում ՌԴ արտակարգ և լիազոր դեսպան Սերգեյ Կոպիրկինի ու Երևանում Ռուսաստանի գիտության և մշակույթի կենտրոնի ղեկավար Վադիմ Ֆեֆիլովի ողջույնի խոսքերը։

Իր հերթին Հայ-Ռուսական համալսարանի ռեկտոր, պրոֆեսոր Արմեն Դարբինյանն ընդգծել է, որ շատ գոհ է ընթացիկ տարում կատարած աշխատանքներից:

«Չնայած հայտնի դժվարություններին` ՀՌՀ-ն հաստատել է իր դերը որպես գիտության և կրթության իրական առաջատար երկրում ու տարածաշրջանում: Եվ մենք մնում ենք լավագույնը շնորհիվ մեր գիտության: Հենց «կրթությունը գիտության շուրջ» կարգախոսի իրագործման և իրականություն դարձնելու շնորհիվ ենք մենք դարձել առաջատար»,- նշել է նա:

Նշենք, որ գիտաժողովի բացմանը զեկույցներով հանդես են եկել ՀՌՀ-ի ռեկտոր, պրոֆեսոր Արմեն Դարբինյանը («Հայաստանը նոր գեոքաղաքական իրողություններում. մարտահրավերները և հեռանկարները» թեմայով), ՀՌՀ-ի Ինժեներա-ֆիզիկական ինստիտուտի տնօրեն Հայկ Սարգսյանը և Մոսկվայի պետական համալսարանի Պատմության ֆակուլտետի դեկան, Ռուսաստանի միջազգային օլիմպիական համալսարանի ռեկտոր Լև Բելոուսովը:

Հայ-Ռուսական համալսարանի 15-րդ ամենամյա գիտաժողովն ավարտվելու է դեկտեմբերի 10-ին:

Տպել
Կարդացեք նաև
Ամբողջը
ՌԴ-ում պատրաստ են աշխատել ՀՀ ցանկացած իշխանության հետ, Փաշինյանը բավական ամուր դիրքեր ունի. սենատոր Ջաբարով
Փաշինյանը բավական ամուր դիրքեր ունի...
Ռուսաստանի փոխվարչապետ. Հայաստանի հետ առեւտրում խափանումներ չկան
Հայաստանի եւ Ռուսաստանի միջեւ առեւտրի խափանումներ չկան...
ՀՀ-ում ՌԴ ԱԴԾ սահմանապահ վարչության Արմավիրի սահմանապահ ջոկատը նշել է 100-ամյա հոբելյանը
Մայիսի 26-ին ՌԴ ԱԴԾ Արմավիրի Սահմանապահ ջոկատը նշել է 100-ամյակը...
«Հրապարակ». Ինչո՞ւ է ՌԴ դեսպանը կանչվել Մոսկվա
Հիշեցնենք, որ ԱԺ-ում Փաշինյանը վերջին անգամ աղմկահարույց հայտարարություն է արել. «44-օրյա պատերազմի...
Հայաստանում ՌԴ դեսպանը Մոսկվա է կանչվել` խորհրդակցությունների
Ինչպես նշվում է ՌԴ ԱԳՆ կայքում տեղադրված փաստաթղթում...
Հայաստանում հակառուսական տրամադրություններն առաջացել են Ռուսաստանի գործողությունների արդյունքում. պատգամավոր
Նա վստահեցրեց, որ եթե անգամ Հայաստանում հակառուսական տրամադրություններ կան, դրանք չեն գեներացվում երկրի իշխող ուժի կամ իշխանության կողմից...
Ամենաշատ