«Հրապարակ» թերթը գրում է. «Կոտայքի իշխանական շրջանակներում հետընտրական «բազարները» շարունակվում են։ Աբովյանի ընտրությունների պատասխանատու Ռոմանոս Պետրոսյանը ՔՊ շտաբում «ռազբորկաներ» է սկսել ու սպառնացել, որ հայտնաբերելու է իրենց խաբող-քցողներին։
Ռոմանոսին փորձել է զսպել Արթուր Հարությունյանը՝ Պալաչը: Ասել է, որ մեղավորների փնտրտուքն անիմաստ է՝ Ռոմանոսը մեղքը թող իր մեջ փնտրի, նախ, որ ոչ թե իրեն, այլ Պաշին թեկնածու առաջադրեց, երկրորդ՝ ինչ ցանել է, այն էլ հնձում է, քանի որ իշխանությունից հիասթափվելու հարցում մեծ է անձամբ իր դերը, որ հեղափոխությունից հետո Կոտայքում փորձել է տերուտիրակալ հռչակվել, համայնքապետերին իր վասալները դարձնել։ Պալաչը, որը Հայաստան էր եկել Աբովյանի ընտրություններում իշխանություններին աջակցելու համար, արդեն մեկնել է: Նրա շրջապատից տեղեկացանք, որ խզել է Ռոմանոսի հետ կապերը։ Ինչ վերաբերում է մյուսներին, նրանք սպասում են հետընտրական հաշվեհարդարին»:
Առավել մանրամասն՝ թերթի այսօրվա համարում
