Դեսպան Թրեյսին ողջույնի խոսքով հանդես եկավ ընտրական գործընթացի հասանելիությանը նվիրված միջոցառմանը, որը Հաշմանդամություն ունեցող անձանց միջազգային օրվա առիթով, ՀՀ Կենտրոնական ընտրական հանձնաժողովի հետ գործակցելով, կազմակերպել էին Ընտրական համակարգերի միջազգային հիմնադրամը և ՄԱԿ-ի Զարգացման ծրագիրը։ Այս մասին հայտնում են ՀՀ-ում ԱՄՆ դեսպանատան ֆեյսբուքյան էջում:
Դեսպանը գովեստով արտահայտվեց հաշմանդամություն ունեցող ընտրողների քաղաքական մասնակցության համար առավել ներառական միջավայրի ձևավորման ուղղությամբ Հայաստանի առաջընթացի վերաբերյալ և կարևորեց հասանելիության հարցերի շուրջ իրազեկումը, քանի որ այդ ուղղությամբ դեռևս անելիք շատ կա։
