Այսօր՝ հունվարի 7-ին, Տաջիկստանի նախագահ Էմոմալի Ռահմոնը հեռախոսազրույց է ունեցել Հայաստանի վարչապետ, ՀԱՊԿ հավաքական անվտանգության խորհրդի նախագահ հարգարժան Նիկոլ Փաշինյանի հետ, հայտնում է Տաջիկստանի նախագահի մամուլի ծառայությունը։

«Զրույցի ընթացքում կողմերը մտքեր են փոխանակել Ղազախստանի Հանրապետությունում իրավիճակի զարգացման շուրջ եւ աջակցություն հայտնել բարեկամ երկրի ղեկավարության՝ խաղաղության եւ հանգստության վերականգնմանն ուղղված ջանքերին։ 

Այս համատեքստում կողմերը քննարկել են ՀԱՊԿ-ի՝ Ղազախստան ՀԱՊԿ խաղաղապահ զորախումբ ուղարկելու վերաբերյալ որոշման կատարման ընթացքը՝ աջակցելու իրավակարգի պահպանմանը եւ կայունության ապահովմանը»,-ասվում է հաղորդագրության մեջ։