News
Լրահոս
News
Չորեքշաբթի
Ապրիլ 24
Տեսնել լրահոսը


Ժամը մոտ 5։50 էր, նստած հաց էի ուտում, մեկ էլ հարվածի ուժեղ ձայն լսեցի ու բոցը տեսա, մեկ էլ հիշում եմ, որ շոկի մեջ վազում էի տան մեջ, չէի հասկանում՝ ինչ է կատարվում, հետո հարեւանների գոռոցներից, թե դուրս եկեք, փաստաթղթերս ու պայուսակս վերցրեցի, հասցրեցի գազի վառարան անջատել ու դուրս գալ տնից։ Այս մասին NEWS.am-ի հետ զրույցում պատմեց Արտաշիսյան փողոցի 44/4 շենքի բնակիչներից  Գայանե Պետրոսյանն՝ անդրադառնալով նախօրեին իրենց փողոցում տեղի ունեցած ՃՏՊ–ին, որի հետեւանքով մեքենան բախվել էր գազատար խողովակին եւ գազի արտահոսքի պատճառով հրդեհ էր բռնկվել։

Տիկին Գայանեն գիշերել է քրոջ տանը, այսօր արդեն իր տուն էր եկել։ Նրա խոսքով՝ փողոցի այդ հատվածում հաճախ են պատահարներ լինում, որովհետեւ լուսացույց չկա, մեքենաները արագ են ընթանում։

Հրդեհի հետեւանքով շենքի բնակիչներից 86-ամյա Լյուդմիլա Հակոբյանի ձեռքն է այրվել։ «Նստած էի աթոռի վրա, մեկ էլ կրակը եկավ դեպի ինձ, վերկացա տեսա վառվում ա, հետո հարեւանները եկան, դե ես մենակ եմ ապրում։ Ձեռքս այրվել էր,  ամբողջ սեղանը արյուն էր դարձել»,– պատմեց Լյուդմիլա Հակոբյանը։

Թեեւ տան լուսամուտները կոտրված են, գազամամատակարարումն էլ՝ անջատված, այնուամենայնիվ, 86-ամյա կինը գիշերել է իր տանը, քույրն է եկել նրան խնամել։

«Ասաց՝ իրար կգրկենք ու կպառկենք»,– պատմեց քույրը։

Ամենաշատ վնաս կրած տներից մեկը  Շուշանիկ Ազատյանի տունն է։ Կոտրվել են տան լուսամուտները, այրվել է գույք եւ հագուստի մի մասը։ Հրդեհի պահին նրանք տանը չեն եղել։

«Քաղաքապետարանից եկել են, միայն լուսամուտների հարցն է քննարկվել։ Բայց վերանորոգման խնդիր է առաջացել, ամբողջ պատերը հիմա մրի մեջ են, բայց ոչ մեկ չի զբաղվում դեռ էդ հարցով, ուղղակի վնասներն են հաշվում։ Մեզ ասացին, որ երեք օրվա ընթացքում լուսամուտները կբերեն՝ կտեղադրեն, բայց այդ ընթացքում պետք է ցելոֆանապատենք լուսամուտները, դռները ու մնանք, եթե գնալու տեղ չունենք։ Ո՛չ հոսանք կա, ո՛չ ջուր, անմխիթար պայմաններ են այս շենքում։ Հիմա ես չգիտեմ, թե այս գիշեր որտեղ ենք մնալու»,– ասաց Շուշանիկը՝ հավելելով, որ լսել էր, թե մարդկանց գիշերակացով են ապահովել, բայց իրենց ընտանիքին նման առաջարկ չի եղել, եւ նրանք գիշերել են բարեկամի տանը։

Տպել
Կարդացեք նաև
Ամբողջը
Ջիբութիի ափերի մոտ ներգաղթյալներ տեղափոխող նավ է շրջվել. առնվազն 16 մարդ զոհվել է, 28-ը՝ անհետ կորել
Ջիբութիում Եթովպիայի դեսպան Բերհանու Ցեգայեն հայտնել է, որ նավը Եմենից եթովպացի ներգաղթյալներ էր տեղափոխում...
Հաքերը կոտրել է չեխական լրատվամիջոցի կայքը և երկրի նախագահի դեմ մահափորձի մասին երկու կեղծ պատմություն հրապարակել
Denik N-ը և չեխական հեռուստաընկերությունը ևս հայտնել են կեղծ լուրերը, ըստ որի Պելեգրինիի դեմ դավադրությունը ծրագրել է Պրահայում ուկրաինացի դիվանագետը…
Գողը նաեւ թմրամոլ էր. Մուղնիում բնակարաններից մեկից գողացել էր լվացքի մեքենա եւ սառնարան
Ապրլիլի 14-ին ոստիկանության Աշտարակի բաժնում բնակարանային գողության...
Գեղակերտի 62-ամյա բնակչի սպանության համար մեղադրանք է ներկայացվել վերջինիս որդուն. ՔԿ-ն մանրամասնում է
Նախնական տվյալներով՝ դեպքի օրը տուժողի և նրա որդու միջև ընտանեկան, անձնական հարցերի շուրջ ծագած տարաձայնությունները վեր են ածվել...
Մարոկկոյի մաֆիայի ղեկավարը, որը սպառնացել էր հոլանդական գահի ժառանգորդուհուն, փախել է Իսպանիայից
Սակայն նահանգային դատարանը որոշել է ազատ արձակել տղամարդուն՝ սահմանափակումներով, այդ թվում՝ անձնագրի բռնագրավմամբ
Արարատի Նշավան գյուղում գյուղացիները, հրշեջներն ու պարեկները կանխել են անասնագոմում բռնկված հրդեհի տարածումը
Ապրիլի 22-ին, հրդեհ է տեղի ունեցել Արարատի մարզում: Ժամը 22:30-ի...
Ամենաշատ