News
Լրահոս
News
Ուրբաթ
Մայիս 20
USD
459.4
EUR
484.07
RUB
7.4
Տեսնել լրահոսը

«Իրավունք» թերթը գրում է. «Արցախի ապագայի, ընտանիքի, զինվորի, ընկերության, երջանկության բանաձեւի, թիկունքից հարվածողների եւ «Իրավունքի» մի շարք այլ բլից հարցերին պատասխանել է Արցախի Պաշտպանության բանակի նախկին հրամանատար, ռազմական, պետական եւ քաղաքական գործիչ, գեներալ-լեյտենանտ Սամվել Բաբայանը:

Պարոն Բաբայան, հայրենիքն ի՞նչ է Ձեզ համար:

Մոր նման անփոխարինելի:

Արցա՞խը՝ Ձեզ համար:

Իմ ծննդավայրը, իմ հայրենիքը:

Զինվո՞րը:

Զինվորը երկրի պաշտպանն ու երկիրը պահող պատվարը:

Ընտանի՞քը՝ Ձեզ համար:

Սրբության նման մի բան:

Իսկ ընկե՞րը:

Թիկունք, վստահություն:

Ո՞վ կարող է լինել Ձեր ընկերը:

Շատ անկեղծ, մաքուր մարդիկ, եզակի մարդիկ:

Եթե մեկ բառով բնորոշեք ինքնեդ Ձեզ:

Չեմ կարող:

Ինչը երբեք չեք ների:

Սուտը, թիկունքից հարվածը:

Մի բան, որի համար շատ եք ափսոսում:

Անկեղծ ասած, չկա մի բան, որի համար ափսոսում եմ:

Հաճա՞խ եք արտասվում:

Ընդհանրապես չեմ արտասվում:

Երջանկության Ձեր բանաձեւը:

Շիտակությունը, սկզբունքայնությունը:

Ո՞վ է այն մարդը, ով գիտի Ձեր բոլոր գաղտնիքները:

Չկա նման մարդ:

Ո՞ւմ եք դիմում, երբ հուսահատ եք:

Ինքս եմ միշտ փորձում ամենահուսահատ վիճակից ելք գտնել, ու հավատացեք, ստացվում է:

Միշտ վախեցել եք...

Դավաճանությունից, չհասկացված լինելուց, ճիշտ չընկալվելուց:

Ձեր կյանքի ամենամեծ ձեռքբերումը:

Իմ ընտանիքը, ժամանակին Արցախի ազատագրմանը հասնելը: Այսօր, ցավոք, մենք խնդիր ունենք Արցախի անկախությունը ապահովագրելու:

Եթե մի քանի ժամով հայտնվեիք վարչապետի աթոռին, ի՞նչ կանեիք:

Չեմ մտածել:

Հավատո՞ւմ եք, որ թեեւակոխելու ենք «խաղաղության դարաշրջան»:

Գիտեք, անկեղծ ասած, ես այդ բառը չեմ ընդունում: Ես հավատում եմ, որ մենք ունակ ենք, կարող ենք Արցախի անկախությանը հասնել, եւ որ Հայաստանը այլեւս չծառայի, որպես բուֆերային գոտի: Ես հավատում եմ դրան եւ արել եմ հնարավորն ու անհնարը՝ այդ խնդրի լուծումները ակնհայտ դարձնելու համար:

Եվ վերջում...

Ուզում եմ, որ առաջնորդվենք ոչ թե կեղծ, այլ ռեալ օրակարգերով: Որպեսզի պետական այրերը կարողանան իրենց ռազմավարությունը ծառայեցնել հանուն հայրենիքի, ազգի ու ժողովրդի: Ես վստահ եմ, որ Արցախի անկախության լուծումը գտնելու ենք շատ կարճ ժամանակահատվածում»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
«Դիմադրության» շարժման մասնակիցները Ֆրանսիայի հրապարակից երթով շարժվեցին դեպի Բաղրամյան 26 (ուղիղ)
Նախօրեին ԱԺ փոխխոսնակ Իշխան Սաղաթելյանը հայտարարել է, որ այսօր փողոցներ չեն փակելու: Նա հավելել է, որ անելիքների բոլոր...
«Ժողովուրդ». ՔՊ վարչությունը նոր կազմ կունենա. որոշների ճակատագիրն անհայտ է. ովքեր են «պլանի տակ»
Այս փուլում կմեկնարկի ՔՊ վարչության անդամների առաջադրման գործընթացը...
Իգոր Խաչատուրովը կալանավորվել է. ՔԿ-ն մանրամասնում է
Հավելենք, որ քննության ընթացքում տվյալներ են ստացվել նաև, որ ոստիկանի նկատմամբ...
«Ժողովուրդ». Իրավապահ համակարգը կաթվածահար վիճակում է
Մասնավորապես, «Ժողովուրդ» օրաթերթի տեղեկությունների համաձայն՝ իրավապահ համակարգի ներկայացուցիչները միմյանց հետ զրույցներում դժգոհում…
«Ժողովուրդ». «Բա կոռուպցիան պոզով-պոչո՞վ է լինում»․ ինչու կրկին «Ֆակտորի փրոդաքշնը»
Մեր տեղեկություններով՝ թեեւ փաստաթղթերում Ձեր ընկերների անուններն են գրանցված, Դուք ընկերության փաստացի հիմնադիրներից...
«Իրավունք». ՔՊ-ականները՝ հերթական թակարդում. ավինյանականները կարող է լքել փաշինյանականներին
Իհարկե, բոլորն էլ հասկանում են, որ առնվազն «կամիկաձե» պետք է լինել, որպեսզի ցանկություն ունենան լինել ՔՊ-ի ղեկավար կազմում...
Ամենաշատ