Bentley ընկերությունը հայտարարել է 2025 թվականին ապրանքանիշի մարտկոցով առաջին էլեկտրամոբիլի թողարկման պլանների մասին: Այն կարտադրվի Մեծ Բրիտանիայում, Քրյուի գործարանում: Թե կոնկրետ ինչպիսին կլինի բրիտանական ապրանքանիշի առաջին էլեկտրական մեքենան, չի նշվում, հայտնում է Gazeta-ն։

Մինչեւ 2030 թվականը Bentley-ն մտադիր է 12 մխոցանոց ներքին այրման շարժիչների խոշորագույն արտադրողից վերածվել բացարձակապես էլեկտրամոբիլներ արտադրողի, ինչպես նաեւ գործունեության բոլոր ոլորտներում հասնել ածխածնային չեզոքության: Հետագա տասը տարիների ընթացքում ընկերությունը նախատեսում է 2,5 միլիարդ ֆունտ սթեռլինգ ներդնել կայուն զարգացման լուծումների մեջ:

Beyond100 կոչվող ռազմավարության շրջանակներում ընկերությունը պատրաստվում է մինչեւ 2023 թվականը պատրաստել Bentley-ի բոլոր երեք մոդելները՝ հիբրիդային մեքենաների կոնֆիգուրացիայով։ Դրանցից երկուսը` Flying Spur-ը եւ Bentayga-ն, արդեն առաջարկվում են որպես հիբրիդային մոդելներ: Մինչեւ 2026 թվականը շարքը բաղկացած կլինի բացառապես էլեկտրական եւ հիբրիդային ավտոմեքենաներից՝ էլեկտրացանցից լիցքավորելու հնարավորությամբ: