News
Լրահոս
News
Երեքշաբթի
Մարտ 19
Տեսնել լրահոսը

Վաշինգտոնում ստորագրված հայ-ամերիկյան փաստաթղթերը կնպաստեն Հայաստանի էներգետիկ անվտանգությանն ու անկախությանը, ինչպես նաև ժողովորդավարության ամրապնդմանը՝ ԱՄՆ մայրաքաղաքից տեսակապի միջոցով «Ազատությանը» փոխանցեց Հայաստանի արտգործնախարարության Ամերիկյան երկրների վարչության պետ Արմեն Եգանյանը։

«Ոչ թե միայն խորհրդակցություններ են տեղի ունեցել, այլ ստորագրվել են կոնկրետ փաստաթղթեր, որոնք հուսով եմ, որ կնպաստեն ինչպես Հայաստանի էներգետիկ անվտանգությանը և անկախությանը, այնպես էլ ժողովրդավարության ամրապնդմանը, որտեղ բավականաչափ մեծ բլոկ է կազմում մեր համագործակցությունը արդարադատության ոլորտում, արդարադատության ռեֆորմների գծով», - նշեց Եգանյանը։

Մայիսի 2-ին մեկնարկեց Հայաստանի արտգործնախարարի՝ վերջին տարիների համար աննախադեպ երկարատև՝ հնգօրյա աշխատանքային այցը Միացյալ Նահանգներ, որի ժամանակ Արարատ Միրզոյանը մի շարք հանդիպումներ ունեցավ ամերիկյան դիվանագիտության բարձրաստիճան ներկայացուցիչների՝ ներառյալ պետքարտուղար Էնթոնի Բլինքենի հետ։

Եթե չհաշվենք 44-օրյա պատերազմի ժամանակ՝ 2020 թվականի հոկտեմբերին Հայաստանի արտգործնախարար Զոհրաբ Մնացականյանի այցը Վաշինգտոն և հանդիպումը պետքարտուղար Մայք Փոմփեոյի հետ, նախորդ անգամ Հայաստանի արտգործնախարարին ԱՄՆ դիվանագիտության ղեկավարը Վաշինգտոնում ընդունել էր գրեթե ինը տարի առաջ՝ 2013-ի հունիսին, պետքարտուղարար Քոն Քերրին՝ նախարար Էդվարդ Նալբանդյանին։

Այս անգամ Վաշինգտոնում ստորագրվել է հայ-ամերիկյան երեք փաստաթուղթ՝ քաղաքացիական միջուկային էներգիայի ոլորտում համագործակցության մասին հուշագիրը, ինչպես նաև հակակոռուպցիոն ու իրավապահ ոլորտում բարեփոխումների համատեղ գործողությունների երկու ծրագիր։

Արմեն Եգանյանի խոսքով՝ մեկ տարի է պահանջվել հուշագրի ստորագրումը նախապատրաստելու համար․ - «Աշխարհը առաջ է գնում, կան նոր տեխնոլոգիաներ, մանավանդ միջուկային բնագավառում, և Ամերիկայի պես երկիրն ունի շատ զարգացած տեխնոլոգիաներ, մոտեցումներ։ Եվ այս հուշագրի առկայության պայմաններում մենք հնարավորություն կունենանք օգտվել որոշ չափով նաև ամերիկյան, այսպես ասած, գիտելիքներից, նվաճումներից, փոխանակումներ արվեն մեր գիտնականների միջև։ Եվ արդյունքում՝ ավելի անվտանգ միջուկային թե՛ ատոմակայան, թե՛ ընդհանրապես էներգետիկա ունենանք Հայաստանում»։

ԱՄՆ Պետքարտուղարության մամլո խոսնակ Նեդ Փրայսը, մայիսի 3-ին լրագրողների հետ հարցուպատասխանի ժամանակ անդրադառնալով հուշագրին, հայտարարեց, թե Հայաստանը ցանկանում է դիվերսիֆիկացնել իր էներգետիկ մատակարարումները։

Հուշագիրը ճանապարհ է բացում միջուկային ոլորտում հայ-ամերիկյան համագործակցության համար. Եգանյան

Տարածքային կառավարման և ենթակառուցվածքների փոխնախարար Հակոբ Վարդանյանն օրերս «Ազատությանը» փոխանցել էր, թե հայկական նոր ատոմակայանի կառուցման նպատակով ստեղծված հայ-ռուսական համատեղ աշխատանքային խումբն արդեն իսկ սկսել է իր աշխատանքները։

Արմեն Եգանյանից հետաքրքրվեցինք՝ արդյո՞ք Երևանը քննարկում է հայկական նոր ԱԷԿ-ի կառուցման գործում ամերիկյան մասնակցության հարցը։

«Գիտե՞ք, մենք պետք է ընդգծենք, որ Ամերիկան միշտ էլ ներգրավված է եղել, նույնիսկ այս՝ գործող Մեծամորի ատոմակայանում, և մենք տարիների ընթացքում ձեռք են բերել համապատասխան ավտոմատացված համակարգեր Ամերիկայից։ Այսինքն՝ այս համագործակցությունը եղել է։ Ինչ վերաբերում է կոնկրետ Ձեր հարցին՝ այս պահին էդպես քննարկումներ տեղի չեն ունենում։ Ինչպես ես ասացի, այս հուշագիրը առաջին քայլն է, ոչ պարտավորեցնող փաստաթուղթ է, բայց, համենայն դեպս, որը բացում է դուռը ավելի խորը համագործակցության համար», - արձագանքեց ԱԳՆ պաշտոնյան։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀՀ ԿԸՀ փոխնախագահն ու քարտուղարը դիտարկել են ԱՄՆ նախագահական նախնական ընտրությունները
ԱՄՆ Կալիֆորնիա նահանգի Լոս Անջելես վարչական շրջանի ընտրական մարմնի հրավերով ՀՀ ԿԸՀ փոխնախագահ Նունե Հովհաննիսյանն ու ԿԸՀ քարտուղար Արմեն...
Կարևորում ենք կանանց ներգրավվածությունը հակամարտությունների կանխարգելման բոլոր մակարդակներում. ՀՀ-ում ԱՄՆ դեսպան
Կանանց միջազգային օրվա կապակցությամբ դեսպան Քվինը կլոր-սեղան քննարկման...
ԱՄՆ պետդեպարտամենտը մեկնաբանել է Սերգեյ Լավրովի հայտարարությունը Հայաստանի մասին
Պետդեպարտամենտը մեկնաբանել է Լավրովի հայտարարությունը...
«Փաստ». Փիառային «դեսանտ» Լոս Անջելեսում
Նախատեսվում է, որ այս խումբը պետք է պատրաստի հարցազրույցների շարք, որտեղ, ըստ մեր աղբյուրի...
Վարչապետը 4 օրով 6 հոգանոց պատվիրակություն է գործուղում ԱՄՆ. Այն կգլխավորի էկոնոմիկայի փոխնախարարը
Համաձայն «Կառավարության կառուցվածքի և գործունեության մասին» Հայաստանի…
Լիլիթ Մակունցը սենատոր Ջեք Րիդի հետ քննարկել է ՀՀ-ԱՄՆ հարաբերությունների հետագա խորացմանն ուղղված հնարավոր քայլերը
Սենատորը վերահաստատել է, որ շարունակելու է Հայաստանին աջակցության...
Ամենաշատ