News
Լրահոս
News
Հինգշաբթի
Հունիս 30
USD
408.31
EUR
429.75
RUB
7.83
Տեսնել լրահոսը

Հունգարիան Եվրահանձնաժողովից Եվրահանձնաժողովի նախագահի Բուդապեշտ կատարած այցից հետո որեւէ նոր լուրջ առաջարկ չի ստացել՝ կապված ռուսական նավթի ներմուծման էմբարգոյի հետ, ասել է Հունգարիայի արտգործնախարար Պետեր Սիյարտոն։

«Եվրահանձնաժողովը խնդիրներ է առաջացրել իր առաջարկով, ուստի Հունգարիան իրավունք ունի ակնկալել, որ ԵՄ-ն լուծում կառաջարկի՝ կֆինանսավորի ներդրումները եւ կփոխհատուցի գների բարձրացումը, ինչը կպահանջի Հունգարիայի էներգետիկ կառուցվածքի 15-18 միլիարդ եվրոյի ամբողջական արդիականացում»,- ասել է Պետեր Սիյարտոն։

Նրա խոսքով՝ մեկ այլ լուծում կարող է լինել նավթամուղով նավթի մատակարարումների ծրագրված էմբարգոյից ազատելը։

Սիյարտոն նշել է, որ խողովակաշարով նավթի մատակարարումների արգելքը կպահանջի 280 միլիարդ հունգարական ֆորինտի ներդրում Հունգարիայում եւ Խորվաթիայում, այնուհետեւ Հունգարիայում կհանգեցնի վառելիքի գների 55-60 տոկոս աճի, ինչը կհանգեցնի գների ընդհանուր աճի: «Ուստի մենք Եվրահանձնաժողովից ակնկալում ենք 15-18 միլիարդ եվրոյի ներդրումային ծրագիր»,- ասել է նա՝ հավելելով, որ հակառակ դեպքում Հունգարիային կտրվի անժամկետ ազատում գազամուղով ռուսական նավթի ներմուծման էմբարգոյից: «Միայն այդ դեպքում մենք կաջակցենք ԵՄ պատժամիջոցների վեցերորդ փաթեթին»։

Նա նշել է, որ չգիտի՝ առաջընթաց կլինի արդյոք առաջիկա երկու շաբաթվա ընթացքում այս հարցում, թե ոչ՝ նշելով, որ Հունգարիայի դիրքորոշումը կարող է փոխվել մայիսի 30-31-ը կայանալիք ԵՄ պետությունների եւ կառավարությունների ղեկավարների գագաթաժողովում։

!
Այս նյութը հասանելի է նաև   English and Русский
Տպել
Ֆոտոռեպորտաժներ