News
Լրահոս
News
Հինգշաբթի
Հունիս 30
USD
408.31
EUR
429.75
RUB
7.83
Տեսնել լրահոսը

Հավաստիացումները, թե սահմանադրական հանրաքվեն Ղազախստանում կամրապնդի հանրապետության առաջին նախագահ Նուրսուլթան Նազարբաեւի ընտանքի անդամների անձեռմխելիությունը, չեն համապատասխանում իրականությանը։ Այս մասին հինգշաբթի տեղեկացրել է Stopfake պորտալը, որն ստեղծվել է Ղազախստանի տեղեկատվության եւ հանրային զարգացման նախարարության աջակցությամբ, ոչ հավաստի տեղեկատվության դեմ պայքարի նպատակով։

«Telegram-չաթերում տեղեկություն է տարածվում այն մասին, որ հանրապետական հանրաքվեի ընթացքում, որը տեղի է ունենալու հունիսի 5-ին, կկատարվեն փոփոխություններ, որոնք կերաշխավորեն Նուրսուլթան Նազարբաեւի ընտանիքի բոլոր անդամների անձեռնմխելիությունը եւ թույլ կտան նրանց ցմահ ապրել քաղաքացիների հարկերի հաշվին։ Սա ճիշտ չէ»,- նշվել է տեղեկությունում։

Անձեռնմխելիության մասին հավաստիացումները հերքել են նաեւ արդարադատության նախարարությունում։ «Սահմանադրության փոփոխությունների նախագիծը չի ենթադրում նոր երաշխիքների տրամադրում Ղազախստանի Հանրապետության նախագահին եւ նրա ընտանիքին։ Հակառակը, սահմանադրությունում փոփոխությունների կատարման մասին օրինագիծն առաջարկում է բացառել առաջին նախագահի կարգավիճակին վերաբերող բոլոր նորմերը»,- ի պատասխան Stopfake-ի հարցման նշել են գերատեսչությունում։

Ապրիլի 29-ին հանրապետության նախագահ Կասիմ-Ժոմարտ Տոկաեւը Ղազախստանի ժողովրդի ասամբլեայի նստաշրջանում առաջարկել է հանրաքվե անցկացնել սահմանադրությունում փոփոխություններ կատարելու մասին։ Դրանց համաձայն՝ կրճատվելու են պետության ղեկավարի արտոնությունները, զգալիորեն ուժեղանալու է խորհդարանի եւ տեղական ներկայացուցչական մարմինների դերը, ամրապնդվելու է իրավապաշտպան ոլորտը, վերաստեղծվելու է Սահմանադրական դատարանը, ամրագրվելու է մահապատժի վերջնական չեղարկումը եւ հանվելու են երկրի առաջին ղեկավար Նուրսուլթան Նազարբաեւի կարգավիճակի մասին դրույթները։

!
Այս նյութը հասանելի է նաև   English and Русский
Տպել
Ֆոտոռեպորտաժներ