News
Լրահոս
News
Երկուշաբթի
Հունիս 27
USD
408.56
EUR
430.54
RUB
7.67
Տեսնել լրահոսը

Եվրոպացի առաջնորդներն ավելի ու ավելի շատ են մտահոգված նրանով, որ ԵՄ-ն մի կրակից մյուսը կընկնի, քանի որ ձերբազատվելով կախվածությունից  ռուսական օգտակար հանածոներից՝ այն նույն կերպ կախված կդառնա Չինաստանի կողմից արվող  ռազմավարական օգտակար հանածոների մատակարարումներից, գրում է The Telegraph-ը:

Եվրոպական հանձնաժողովի նախագահ Ուրսուլա ֆոն դեր Լյայենը հայտարարել է, որ Բրյուսելն ամբողջ ուժով փորձում է արձանագրել ծայրահեղ կարեւորության հումքի երկարաժամկետ մատակարարումները, որոնք անհրաժեշտ են «կանաչ գործարքների» աջակցության եւ էներգիայի վերականգնվող աղբյուրների օգտագործման ընդլայնման համար եւ համաձայնություններ է փորձում ձեռք բերել բարեկամ երկրների հետ՝ կապված կանաչ տեխնոլոգիաների ռեսուրսների աճող պահանջարկի հետ:

Նրա խոսքով՝ ապագայի տնտեսությունը հիմնվելու է ոչ թե ածխի եւ նավթի վրա, այլ լիթիումի՝ մարտկոցների համար, մագնիսների՝ էլեկտրամեքենաների համար եւ հողմաղացների վրա:

«Կանաչ եւ թվային անցումը զգալիորեն կմեծացնի այդ նյութերի պահանջարկը: Սակայն հասանելիությունը փաստ չէ: Մենք հույսներն դնում ենք մի շարք արտադրողների վրա ողջ աշխարհում: Մենք պետք է չընկնենք նույն թակարդը, ինչպես նավթի ու գազի դեպքում»,- ասել է Ֆոն դեր Լյայենը:

Միջազգային էներգետիկ գործակալությունը հայտնել է, որ Չինաստանը վերահսկում է լիթիումի վերամշակման համաշխարհային հզորությունների կեսը եւ արտադրում բոլոր լիթիում-իոնային մարտկոցների երեք քառորդը:

Չինաստանն արդեն ռազմավարական վերահսկողություն ունի հազվագյուտ հողային տարրերի նկատմամբ, որն օգտագործվում է առաջադեմ տեխնոլոգիաների ամբողջ սպեկտրում՝ ոչ միայն էկոլոգիապես մաքուր էներգիայի եւ արհեստական բանականության, այլեւ ռազմական լազերների, հրթիռների եւ արբանյակների:

Պեկինն արագորեն գերիշխում է կոբալտի եւ գրաֆիտի միջազգային մատակարարումների ոլորտում:  

Այս տարի կարբոնատ-լիթիումի գներն աճել են մոտ 10 անգամ: Կոբալտը թանկացել է 150 տոկոսով, իսկ նիկելի ֆյուչերսները գրեթե կրկնապատկվել են:

ՆԱՏՕ-ի գլխավոր քարտուղար Յենս Սթոլթենբերգը Դավոսում եւս զգուշացրել էր Չինաստանից կախվածության վտանգի մասին՝ պնդելով, որ պատերազմն Ուկրաինայում բացահայտել է հակառակորդ գերտերությունների հետ միամիտ ազատ առեւտրի ծուղակները:

«Խոսքը ոչ միայն Ռուսաստանի, այլեւ  Չինաստանի մասին է, եւս մեկ ավտորիտար ռեժիմի, որը չի կիսում մեր արժեքները եւ խախտում է կանոնների վրա հիմնված միջազգային կարգուկանոնը»,- ասել է նա՝ անուղղակիորեն հասկացնելով, որ ՆԱՏՕ-ն վերածվում է գլոբալ ռազմական դաշինքի՝ ուղղված Չինաստանին զսպելուն:

ԵՄ-ն գերհավակնոտ նպատակներ ունի՝ կանաչ էներգիայի հետ կապված, քանի որ ձգտում է փոխարինել ռուսական գազի ողջ ներկրումը 200 մլրդ եվրոյի իր էներգետիկ ծրագրի շրջանակում:

Առաջիկա ութ տարվա ընթացքում Եվրոպան մտադիր է կրկնապատկել արեւային էներգիայի հզորությունը՝ հասցնելով մինչեւ 600 գիգավատտի եւ կրկնապատկել քամու արագությունը՝ հասցնելով մինչեւ 480 ԳՎտ-ի, ինչպես նաեւ 30 մետրանոց էլեկտրամեքենաներ դուրս բերել փողոց:

Վերջիվերջո, պահանջարկն է ստեղծում սեփական առաջարկը որոշակի սահմաններում, սակայն Եվրոպան շատ ուշ է գիտակցել կարեւորագույն նյութերի համար միջազգային պայքարը: Բրյուսելը մեծ ծրագրեր է առաջ քաշում եւ ստեղծում բոլոր հնարավոր միությունները, սակայն նրա համար դժվար կլինի իրականացնել իր նպատակները «կանաչ գործարքի» հարցում:

 

 

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Գերմանիան ծրագրում է ազգայնացնել «Հյուսիսային հոսք 2» գազատարի մի մասը
«Հյուսիսային հոսք 2» գազատարի գերմանական հատվածը կարող է վերակառուցվել` Բալթիկ ծովում գտնվող լողացող LNG տերմինալին միացվելու նպատակով, հայտնում է գերմանական Der Spiegel շաբաթաթերթը եւ հավելում, որ նման ծրագրերն ուսումնասիրում է Գերմանիայի էկոնոմիկայի նախարարությունը։
Հունգարիայում մեկ մարդուն օրական 50 լիտր բենզինի վաճառքի սահմանափակում է մտցվել
Հունգարիայում սահմանափակ քանակությամբ բենզին է վաճառվելու...
Բելգիայում առաջարկել են Եվրամիությունում գազի գնի սահմանափակում մտցնել
Բելգիան առաջարկում է ԵՄ-ում գազի գնի շեմ մտցնել․․․
ՀԱԷԿ-ը միացել է ՀՀ միասնական էներգահամակարգին
Այս պահի դրությամբ կայանն աշխատում է իր բնականոն ռեժիմով 380 ՄՎտ…
Նավթի համաշխարհային գները բարձրանում են
Ուրբաթ առավոտյան նավթի գները սկսել են բարձրանալ...
Գերմանիան կանգնած է բնական գազի ճգնաժամի առջեւ. ակտիվացվել է արտակարգ իրավիճակների ծրագրի 2-րդ փուլը
Երկրի կառավարությունը հայտարարել է, որ որոշումն ընդունվել է անցյալ շաբաթ Ռուսաստանի կողմից բնական գազի մատակարարումների ․․․
Ֆոտոռեպորտաժներ