News
Լրահոս
News
Երկուշաբթի
Հունիս 27
USD
408.56
EUR
430.54
RUB
7.67
Տեսնել լրահոսը

Ադրբեջանի նախագահ Իլհամ Ալիեւը մայիսի 17-ին հանդիպում է ունեցել Իսրայելի գյուղատնտեսության նախարար Օդեդ Ֆորերի հետ, գրում է «Ռիբար» Telegram-ալիքը:

Նշվում է, որ նրանք այցելել են «Արեւմտյան Զանգեզուր տնտեսական գոտում գտնվող Զանգելան քաղաք», որը Իրանի հետ սահմանից գտնվում է 7 կմ հեռավորությամբ: Ներկա պահին այդ բնակավայրում տեղի է ունենում Իսրայելի կողմից ֆինանսավորվող «խելացի գյուղերի» նախագծի իրականացումը:

Ի՞նչն է կարեւոր այս նախագծում:

Իսրայելի եւ Ադրբեջանի միջեւ դեռեւս 90-ականներից ի վեր սերտ համագործակցություն է ծավալվել: Ադրբեջանին զգալի քանակությամբ սպառազինում է փոխանցվել, որն օգնել է հաղթել Ղարաբաղյան երկրորդ պատերազմում:

Իսրայելի կողմից ծրագրված «խաղաղ» կառույցների տեղադիրքը Իրանի հետ սահմանից այդքան մոտ հեռավորությամբ արդեն իսկ ենթադրությունների տեղիք է տալիս, որ Իսրայելը քաղաքացիական ենթակառուցվածքները կարող է օգտագործել հետախուզական նպատակներով:

Իսրայելական ԶԼՄ-ների փոխանցմամբ՝ Ադրբեջանի աջակցությունը հիանալի հնարավորություն է ստիպելու Իրանին ուշադրությունը կենտրոնացնել Անդրկովկասում տիրող իրավիճակի վրա՝ հեռու պահելով Իսրայելի տարածքից: Այդ միությունը հատկապես վտանգավոր է նրանով, որ Իրանի հյուսիսարեւմտյան մասում էթնիկ ադրբեջանցիներ են ապրում:  

Հետագա էսկացիայի դեպքում Իսրայելը տեսականորեն կկարողանա ադրբեջանական տարածքն օգտագործել իր սպառազինումը կամ օդանավերը տեղադրելու համար, որպեսզի կարողանա խոցել միջուկային եւ ռազմական կառույցները:  

Դեռեւս անցած տարի լուր էր հայտնվել F-35 օդանավերի տեղակայման մասին, ինչն այն ժամանակ ֆանտասիկայի ժանրից էր: Այժմ էլ նման հավանականությունը բացառել չի կարելի:

Բացի այդ, Իսրայելը բավականին տպավորիչ օպերատիվ-մարտավարական եւ բալիստիկ հրթիռների զինապահեստ ունի, որոնք անպայմանորեն կկիրառվեն զինված բախման դեպքում:  

Սակայն հրապարակախոս Ալեքսանդր Նազարովը քիչ հավանական է համարում, որ Իսրայելը կհամարձակվի հարձակվել Իրանի վրա մինչեւ Դոնալդ Թրամփի՝ իշխանություն վերադառնալը:

Միեւնույն ժամանակ մասնագետը չի բացառում այն տարբերակը, որ ամերիկացիները կկարողանան հերթական պատերազմը սկսել Մերձավոր Արեեւլքում՝ Թայվանի պատճառով Չինաստանի հետ բախման դեպքում:  

Իսրայելի եւ Ադրբեջանի հակաիրանական միությունը: Մաս 2՝ համագործացության խորացումը՝ որպես լարվածության հնարավոր էսկալացիա

Երկու բարձրաստիճան պաշտոնյաների հանդիպումը տեղի է ունեցել Իրանում իրավիճակի կտրուկ սրման ֆոնին: Կայունացման միտում դեռեւս չի նկատվում:

Ի՞նչ է տեղի ունեցել Իրանում մայիսին

Մայիսի սկզբին Իրանում բողոքի ցույցեր են տեղի ունեցել տարբեր քաղաքներում, մասնավորապես հարավարեւմտյան շրջանում, որտեղ տեղակայված են հիմնական նավթային եւ գազային կառույցները:

Ցույցերը, որոնք սկսվել են պարենային ճգնաժամի պատճառով, վերաճել են հակակառավարական ցույցերի՝ ընդդեմ հոգեւոր առաջնորդ Ալի Խամենեիի եւ նախագահ Էբրահիմ Ռայիսիի:

Ցույցերի հիմանական գործող անձինք էին գահաժառանգ արքայան Ռեզա Փեհլեւիի կողմնակիցները:

Իսրայելի հետ զինված հակամարտության աճող վտանգի պատճառով՝ Կարմիր ծովի ջրային տարածք է ժամանել Իրանի ՌԾՈՒ նավատորմը:

Իսրայելն, իր հերթին, մայիսի 29-ից մինչեւ հունիսի 29-ը խոշորամասշտաբ զորավարժություններ կիրականացնի, որոնց ընթացքում Իրանի դեմ պատերազմի ռազմական գործողություններ կնմանակվեն:

Մայիսի 22-ին սպանվել է Իրանի «Իսլամական հեղափոխության պահապանների կորպուսի» «Ալ-Ղոդս» ստորաբաժանման բարձրաստիճան աշխատակիցը: Քննության պաշտոնական վարկածով՝ սպանությունը տեղի է ունեցել իսրայելական Մոսադ հետախուզական գործակալության հետ առնչություն ունեցող ահաբեկչական կազմակերպության անդամների կողմից:

Չպետք է մոռանալ նաեւ էթնիկ բաղադրիչը. Իրանի հյուսիսում էթնիկ ադրբեջանիցներ եւ թուրքեր են ապրում: ԱՄՆ-ի հետ միջուկային գործարքի փակուղու ֆոնին Մոսադի աշխատակիցները կօգնեն բողոքային տրամադրության սրմանը, որպեսզի բարդացնեն Իրանի վիճակը:

Ադրբեջանի կողմից վտանգի առաջացումը կարող է ստիպել իրանական ղեկավարությանը արագացնել միջուկային ծրագրի զարգացումը, որն իսրայելցիների պնդմամբ գտնվում է եզրափակիչ փուլում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բորելը մեկնում է Թեհրան՝ Իրանի միջուկային դոսյեն քննարկելու համար
Գործողությունների համատեղ համապարփակ ծրագրի ամբողջական իրականացմանը վերադառնալու ընթացիկ ջանքերի շրջանակներում․․․
Իրանը ԱՄՆ-ին կոչ է արել հրաժարվել «պատժամիջոցային խելահեղությունից»
Նա նշել է, որ Իրանը շարունակում է բանակցությունները․․․
Իրանը ԱԷՄԳ-ին տեղեկացրել է, որ իր օբյեկտներից հանելու է 27 տեսախցիկ
Իրանում միջուկային օբյեկտներում 27 տեսախցիկ կանջատվի...
Իրանը կարձագանքի ԱԷՄԳ-ի հանդիպման ժամանակ ձեռնարկված ցանկացած գործողության
«Թեհրանը չի ընդունում ո՛չ զեկույցը, ո՛չ էլ եվրոպական երեք երկրների ու նրանց ամերիկյան դաշնակիցների՝ Իրանի դեմ բանաձեւ ընդունելու փորձերը...
Իրանը մոտ է ատոմային ռումբ ստեղծելու համար զգալի նյութ ունենալուն. ՄԱԳԱՏԷ
«Քանի որ նրանք շարունակում են գործընթացը, դա մի քանի շաբաթվա հարց է...
Լավրովն ու Իրանի արտգործնախարարը քննարկել են Իրանի միջուկային համաձայնագրի շուրջ բանակցությունները
Նշվում է, որ հեռախոսազրույցը տեղի է ունեցել իրանական կողմի նախաձեռնությամբ․․․
Ֆոտոռեպորտաժներ