Չինաստանի գիտությունների ակադեմիայի եւ այլ հետազոտական կենտրոնների գիտնականները կազմել են Լուսնի ամենամանրամասն քարտեզը: Նրանք այն հրապարակել են Science Bulletin-ում։

Հետազոտողները վերլուծել են վերջին տասնամյակների ընթացքում Լուսնի մակերեսի մասին կուտակված բոլոր տվյալները եւ դրանք գծել 1:2,500,000 մասշտաբով քարտեզի վրա: Այսօրվա դրությամբ սա Լուսնի ամենամանրամասն քարտեզն է, ասում են գիտնականները:

«Լուսնի երկրաբանական քարտեզը համապարփակ տեղեկատվություն է տրամադրում լուսնային կեղեւի մակերեւույթի երկրաբանական շերտերի, կառուցվածքային առանձնահատկությունների, լիթոլոգիայի եւ ժամանակագրության մասին, որոնք արտացոլում են նրա էվոլյուցիան մագմատիկ գործընթացների, աղետալի ազդեցությունների եւ հրաբխային գործունեության պայմաններում։ Քարտեզն իրենից ներկայացնում է տարբեր ժամանակաշրջանների խառնարանների ժամանակակից նկարազարդում, 17 տեսակի լեռնային ապարների եւ 14 տեսակի երկրաբանական կառույցների բաշխվածություն»,- հայտնել են հետազոտողները։