News
Լրահոս
News
Երկուշաբթի
Օգոստոս 08
USD
406.61
EUR
414.38
RUB
6.73
Տեսնել լրահոսը

Մինչ ռուսական ուժերը շարունակում են իրենց անողոք արշավն Ուկրաինայում, գրոհին դիմակայելու երկրի կարողությունը, առավել քան երբեւէ, կախված է Միացյալ Նահանգների եւ դաշնակիցների օգնությունից`ներառյալ հրամանատարների եւ լրտեսների գաղտնի ցանցը, որոնք շտապում են զենք եւ հետախուզական ուժեր տրամադրել, ինչպես նաեւ վերապատրաստել ուկրաինացիներին: Այս մասին գրում է New York Times-ը:

Այս աշխատանքները հիմնականում իրականացվում են Ուկրաինայից դուրս՝ Գերմանիայում եւ Ֆրանսիայում, ինչպես նաև Մեծ Բրիտանիայի ռազմաբազաներում։ Հակառակ Ջո Բայդենի հայտարարությանն այն մասին, որ ամերիկացի զինվորները Ուկրաինա չեն ուղարկվի, ԿՀՎ-ի որոշ անդամներ շարունակում են աշխատել այնտեղ։

«Ուկրաինայի տարածքում միաժամանակ գործում են մի քանի տասնյակ «կոմանդոսներ» ՆԱՏՕ-ի երկրներից՝ Կանադայից, Ֆրանսիայից եւ Մեծ Բրիտանիայից։ Ամերիկացի երեք պաշտոնյաներ հաստատել են, որ Միացյալ Նահանգները, մինչեւ պատերազմի մեկնարկը, հետ է կանչել իր 150 ռազմական հրահանգիչներին։ Սակայն այդ ժամանակվանից ի վեր այդ դաշնակիցների «կոմանդոսները» կա՛մ մնացել են, կա՛մ ժամանել Ուկրաինա՝ զորքերին վարժեցնելու եւ խորհուրդներ տալու, ինչպես նաև տեղում զենք տրամադրելու եւ այլ օգնություն ցուցաբերելու նպատակով»,- գրել է թերթը։

ԿՀՎ-ի, ռազմական անձնակազմի կամ հատուկ նշանակության ջոկատների գործունեության մասին մանրամասները քիչ են, սակայն երկրում նրանց ներկայությունը, դիվանագիտական ​​կորպուսի անդամների Կիեւ վերադառնալու ֆոնին, ակնարկում է Ուկրաինային օգնելու շարունակական գաղտնի ջանքերի եւ Վաշինգտոնի ու նրա դաշնակիցների ստանձնած ռիսկի մասին։

Հոդվածում նշվում է, որ ակնկալվում է, որ Բայդենն ու դաշնակիցները «Մեծ յոթնյակի», ապա ՆԱՏՕ-ի գագաթաժողովների ընթացքում կքննարկեն Ուկրաինային լրացուցիչ աջակցություն ցուցաբերելու հարցը:

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ