Հնդկաստանում երկու տղամարդ գլխատել են տեղի 47-ամյա բնակիչ Կանհայա Լալին՝ «իսլամը վիրավորելու» համար եւ դաժան սպանության տեսանյութը տեղադրել են համացանցում, հայտնում է Hindustan Times-ը։
Միջադեպը տեղի է ունեցել 2022 թ. հունիսի 28-ին Ռաջաստան նահանգի Ուդայպուր քաղաքում։ Միջադեպի նախօրեին հնդիկ տղամարդը, ով դերձակ էր աշխատում, սոցցանցերում գրառում էր հրապարակել՝ ի պաշտպանություն «Բհարաթիա Ջանատա» կուսակցության հեռացված անդամ Նուպուր Շարմայի։ Քաղաքական գործիչը հեռացվել էր հեռուստաբանավեճի ժամանակ Մուհամեդ մարգարեի հասցեին վիրավորական արտահայտություններ հնչեցնելուց հետո:
Գրառման հրապարակումից մի քանի օր անց Բհիլվարայի 38-ամյա բնակիչ Ռիազ Աթթարին եւ Ուդայպուրից 39-ամյա Ղոս Մուհամմեդը հարձակվել էին տղամարդու վրա եւ կտրել նրա գլուխը։ Դրանից հետո արմատականները WhatsApp-ով տարածել էին սպանության տեսանյութը։
Գլխատման հաջորդ օրը Նուպուր Շարման պատմել էր, որ սպառնալիքներ է ստացել, որ ինքն ու իր ընտանիքը դերձակ Կանհայու Լալի ճակատագրին կարժանանան:
Այժմ կասկածյալները կալանքի տակ են։ Հնդկաստանի իրավապահ մարմինները ստուգում են մարդասպանների հնարավոր կապը միջազգային ահաբեկչական կազմակերպությունների հետ։