News
Լրահոս
News
Կիրակի
Օգոստոս 14
USD
405.91
EUR
417.56
RUB
6.66
Տեսնել լրահոսը

ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանն այսօր հանդիպել է ՌԴ «Բնակարանային և կոմունալ ծառայությունների բարեփոխումների աջակցության» հիմնադրամի ներկայացուցիչներ Օլգա Գրիշինայի, Նատալյա Վոյկովայի, Լիդիա Պետրենկոյի, Ալեքսանդր Շարաշկինի հետ:

Հանդիպման նպատակն էր Ռուսաստանի և Հայաստանի միջին մասնագիտական հաստատությունների միջև ընդլայնել և խորացնել համագործակցությունը, համատեղ մշակել նոր ծրագրեր:

ԿԳՄՍՆ-ից NEWS.am-ին հայտնում են, որ ԿԳՄՍ նախարարի տեղակալ Ժաննա Անդրեասյանը ողջունել է հյուրերին և շնորհակալություն հայտնել հյուրընկալվելու համար՝ ավելացնելով, որ լիահույս է՝ այսօրվա հանդիպումը հիմք կհանդիսանա հետագա համագործակցության համար:

«Մեր երկրների միջև առկա է աշխատանքային համագործակցություն մի շարք ոլորտներում, հատկապես՝ շինարարության բնագավառում: Կարծում եմ՝ մեծ պահանջարկ ունեն կադրերի որակավորման մակարդակի որոշման ընդհանուր մոտեցումները, ինչպես նաև մասնագետների պատրաստման միասնական պահանջները։ Հայաստանի և Ռուսաստանի երիտասարդ մասնագետների սերտ շփումը լավ օրինակ կարող է դառնալ նոր հմտություններ և կարողություններ ձեռք բերելու առումով, հատկապես՝ բնակելի շենքերի շինարարության և շահագործման ոլորտում։ Պետք է նշեմ նաև, որ կրթական չափորոշիչները, որոնց համաձայն այս ոլորտի մասնագետներ այսօր վերապատրաստվում են Հայաստանում և Ռուսաստանում, շատ նման են»,- ասել է Ժաննա Անդրեասյանը:

Համատեղ ծրագրերը կօգնեն եվրասիական տարածքի երկրներում բարելավել մասնագիտական վերապատրաստման համակարգերը՝ օգտագործելով կադրերի պատրաստման առաջադեմ չափանիշները: Ծրագրի շրջանակում իրականացվելիք գործունեությունը ենթադրում է նաև ռուսաստանյան ժամանակակից պրակտիկաների, մեթոդների և տեխնոլոգիաների փորձարկում ու ներդրում ուսումնական հաստատություններում:

Ռուսաստանի Դաշնության «Բնակարանային և կոմունալ ծառայությունների բարեփոխումների աջակցության» հիմնադրամի ներկայացուցիչ Օլգա Գրիշինան իր հերթին շնորհակալություն է հայտնել ջերմ ընդունելության համար և նշել. «Բնակարանային և կոմունալ ծառայությունների ոլորտում ամենապահանջված մասնագիտությունների ուղղությամբ պրոֆեսիոնալ մասնագետներ ունենալու համար մենք՝ որպես ռուսական պետական կազմակերպության ներկայացուցիչներ, առաջարկում ենք համագործակցություն, որի շնորհիվ ՀՀ ավագ դպրոցները և քոլեջները կկարողանան համագործակցել ՌԴ հարյուրավոր քոլեջների հետ, որտեղ երիտասարդները վերապատրաստվում են նշված ոլորտներում մասնագիտական չափանիշների հիման վրա, հատկապես՝ «Քաղաքացիական շենքերի շահագործում», «Բազմաբնակարան շենքի կառավարում, շահագործում և սպասարկում» և այլ մասնագիտացումներում»։

Հանդիպման վերջում կողմերը պայմանավորվել են մշակել համագործակցության քարտեզ՝ համատեղ մշակվող ծրագրերը քայլ առ քայլ կյանքի կոչելու համար:

Տպել
Կարդացեք նաև
Ամբողջը
ԱԻՆ նախարար Արմեն Փամբուխչյանը գործուղվել է Ռուսաստանի Դաշնություն
Ռուսաստանի Դաշնություն գործուղման արդյունքների մասին հաշվետվությունը ներկայացնել Հայաստանի Հանրապետության վարչապետի աշխատակազմ․․․
«Ժողովուրդ»․ ՀՀ-ՌԴ հարաբերությունների մասին հայտարարությունները կեղծ են եղել. Փաշինյանը խաբել է. մաս 64
Ստացվում է՝ Նիկոլ Փաշինյանի՝ ՀՀ-ՌԴ հարաբերությունների, ինչպես նաեւ Ապրիլյան պատերազմի մասին հայտարարությունները․․․
Պուտինի՝ Հայաստան այցի ժամկետը ճշտվում է. Պեսկով
«Կարծում եմ՝ ոչ: Թեեւ հրավեր, այնտեղ կա...
Երեւանը եւ Մոսկվան քննարկել են իրավիճակը Եվրոպայում, այդ թվում՝ ԵՄ-ի եւ ՆԱՏՕ-ի հետ հարաբերությունները
ՌԴ փոխարտգործնախարար Ալեքսանդր Գրուշկոն Երեւանում խորհրդակցություններ է անցկացրել ՀՀ փոխարտգործնախարարներ Պարույր Հովհաննիսյանի եւ Վահե Գեւորգյանի հետ տարածաշրջանային եւ եվրոպական անվտանգության հարցերի շուրջ...
Տեղի են ունեցել հայ-ռուսական միջգերատեսչական խորհրդակցություններ. Միրզոյանն ընդունել է ՌԴ ԱԳ փոխնախարարին
ՀՀ ԱԳ նախարարն ընդգծել է ԵԱՀԿ Մինսկի խմբի համանախագահության ինստիտուտի ներուժն ու փորձն օգտագործելու կարևորությունը՝ իր միջազգային մանդատին համապատասխան...
Տեղի են ունեցել խորհրդակցություններ Հայաստանի և Ռուսաստանի ԱԳՆ-ների միջև
Մնացական Սաֆարյանը և Իգոր Մորգուլովը կարևորել են երկկողմ հետաքրքրություն...
Ֆոտոռեպորտաժներ