BP ընկերության շահույթը երկրորդ եռամսյակում ավելացել է ավելի քան երեք անգամ՝ հասնելով 14 տարի առաջվա առավելագույնին, քանի որ ընկերությունը միացել է մրցակից Shell-ին՝ օգուտ քաղելով նավթի եւ գազի գների կտրուկ աճից։
Նավթային հսկան տեղեկացրել է, որ ինքնարժեքի փոխարինման բազային շահույթը բարձրացել է՝ հասնելով 8,5 մլրդ դոլարի երեք ամսվա ընթացքում (մինչեւ հունիսի 30-ը)՝ մեկ տարի առաջվա 2,8 մլրդ դոլարի համեմատ, տեղեկացրել է AP-ը։
BP-ն խրախուսել է ներդրողներին՝ բարձրացնելով բաժնետերերի վճարները 10 տոկոս դիվիդենդներով եւ մինչեւ սեպտեմբերի վերջ բաժնեթղթերի գնման պլանն ավելացնելով եւս 3,5 մլրդ դոլարով։
Շահույթն ավելանում է այն դեպքում, երբ տնային տնտեսություններն ամբողջ ուժով փորձում են վճարել սրընթաց աճող հաշիվները, իսկ ցասումն ուժգնանում է նավթային եւ էներգետիկ ընկերությունների հսկայական շահույթների առիթով՝ Shell-ի եւ British Gas Centrica-ի սեփականատիրոջ անցած շաբաթվա անհավանական արդյունքների հետ կապված։
BP-ն նաեւ նախազգուշացրել է, որ ամռանը էներգակիրների գների իջեցում չի սպասվում՝ կանխատեսելով, որ հում նավթի եւ գազի գները կմնան բարձր երրորդ եռամսյակում՝ Ռուսաստանից մատակարարումների խափանումների պատճառով։