Bayraktar ԱԹՍ-ների գործարանի գործարկումը հնարավոր է մինչեւ 2023 թվականի վերջ։ Այս մասին հայտարարել է Թուրքիայում Ուկրաինայի դեսպան Վասիլի Բոդնարը, հաղորդում է ՏԱՍՍ-ը։
«Շինարարությունը կարող է տեւել մի քանի ամիս, իսկ գործարանի գործարկումը կարող է ավարտվել 2023 թվականի վերջում»,-ասել է նա։
Նախօրեին Բոդնարը հայտնել է, որ թուրքական Baykar Makina ընկերությունը հողատարածք է գնել Ուկրաինայում՝ Bayraktar անօդաչու թռչող սարքերի արտադրության գործարան կառուցելու համար։