News
Լրահոս
News
Ուրբաթ
Սեպտեմբեր 30
USD
405.65
EUR
396.08
RUB
7.57
Տեսնել լրահոսը


Կամավորները ձայներ են լսել փլատակների մոտի նկուղային տարածքից և ներկա պահին աշխատանքներ ենք իրականացնում ստուգելու համար, թե արդյոք փլատակների տակ ողջ մարդ կա, թե ոչ, օգտագործում ենք նաև հատուկ տեխնիկա, այդ թվում՝ տեսախցիկներ, այս մասին լրագրողների հետ զրույցում ասաց ԱԻ նախարար Արմեն Փամբուխչյանը՝ անդրադառնալով տարածված լուրերին, որ փլատակների տակից ևս մեկ ողջ քաղաքացու են դուրս բերել։

«Մեզ փոխանցել են, որ լսվել են ձայներ, և յուրաքանչյուր նման բանի մենք շատ արագ արձագանքում ենք, փաստացի գնում ենք հենց այդ վայրը և հենց այդ վայրում ենք սկսում հիմնական աշխատանքները ․․․ Ցավոք սրտի, ներկա պահին չենք կարող հաստատել այդ լուրը»,– ասաց նախարարը՝ պարզաբանելով, որ նման դեպքերում նախապատրաստական աշխատանքներ են տանում և շտապօգնության ավտոմեքենայի՝ տարածքին մոտենալը հենց դրանով է պայմանավորված։

Նախարարը տեղեկացրեց, որ օրվա ընթացքում էլ մաքրել են նկուղային հատվածի փլատակները, քանի որ ենթադրում են, որ այդտեղ դեռ կարող են ողջ մնացած մարդիկ լինել։

Հարցին, թե քանի անձ կա տարածքում, տեղեկություն կար, որ հղի կինը, նրա երեխան և քույրն են հենց նկուղի տարածքում, նախարարը պատասխանեց, որ չունեն հստակ տեղեկատվություն, թե որ հատվածում ով է գտնում, այս պահին որոնում են 22 անհետ կորած համարվող քաղաքացու։

Նախարարը տեղեկացրեց, որ այս պահին շուրջ 8000-9000 մետր տարածքի մոտ 30 տոկոսը մաքրվել է, գիշերը նույնպես կշարունակվեն աշխատանքները։

«Մենք որդեգրել ենք ոչ մի վայրկյան դադարի [քաղաքականություն], որովհետև մեզ համար վայրկյանները կարևոր են և մենք ամբողջ օրը իրականացնելու ենք այդ աշխատանքները»,– ասաց նա՝ հավելելով, որ քիչ անց կլինի նաև փրկարարների հերթափոխ։

Արմեն Փամբուխչյանը նաև տեղեկացրեց, որ այս պահին աշխատանքներ իրականացնող փրկարարների պակաս չունեն, քանի որ տեղում են թե՛ նախարարության, թե՛ Կարմիր Խաչի, թե՛ ՈՄԱ ջոկատի կամավորները։

Ճշտող հարցին, թե շտապօգնության ավտոմեքենան ում տեղափոխեց, նախարարն ասաց, որ նույնիսկ եթե շտապօգնության ավտոմեքենան մարդ է տեղափոխել, ապա հաստատ ոչ փլատակների տակից, քանի որ փլատակների տակից մարդ դուրս չի բերվել։

Նախարարը նաև ասաց, որ քամու ուժգնությամբ պայմանավորված հովացման աշխատանքներ են իրականացվում, քանի որ ենթադրում են, հակառակ պարագայում հրդեհի փոքր օջախներ կարող են առաջանալ։

 «Հովացումը շարունակվում է, բայց մեր ուժերի գերակշիռ մասն ուղղված որոնողափրկարարական աշխատանքների և տարածքի մաքրմանը»,– ասաց նա։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Դատարանը կալանավորեց Բերդում ընտրություններին հաղթած ուժի ավագանու անդամի թեկնածուին
Սամվել Հովսեփյանը մեղադրվում է Բերդ համայնքում կայանալիք տեղական ինքնակառավարման մարմինների ընտրություններին քարոզչություն կատարելուն հարկադրելու մեջ...
22-ամյա երիտասարդի «արկածներն» ավարտվեցին. Ոստիկանների գիշերային ծառայությունը կոնկրետ նպատակ ուներ
22-ամյա երիտասարդը խոստովանել է, որ գիշերը Ազատության պողոտայի մի բակում կայանված «Մերսեդեսից» գողացել է կողային հայելիները, իսկ երկու օր առաջ էլ...
Պայմանագրային զինծառայողը կնոջ ծնողների հողամասի ուղղությամբ նռնակ է նետել, պայթեցրել․ դեպքի հանգամանքները պարզվել են
Բացի այդ, հիշյալ պայմանագրային զինծառայողը 2015 թվականի ընթացքում Գեղարքունիքի մարզի Ճամբարակ քաղաքի վերին սահմանային մարտական...
«Քրեական վարույթը իրավական հիմք չունի». Բերդում ընտրություններին հաղթած ուժի ավագանու թեկնածուն չի ընդունում մեղադրանքը
Ցուցմունքում եւ մեզ տրամադրած վարույթի նյութերում որեւէ տեղեկություն առկա չէ իմ պաշտպանյալի վերաբերյալ...
47-ամյա տղամարդու մոտ թմրանյութ են հայտնաբերել. նրան թմրամիջոցը տվել էր Սարդարապատ գյուղի բնակիչը
Արմավիրի մարզային վարչության քրեական հետախույզները թմրամիջոցի իրացման դեպք են բացահայտել...
Եռաբլուրում կարմիր բերետավորների գործողությունների առթիվ քրեական վարույթ է նախաձեռնվել․ կան տուժողներ, մեղադրյալներ՝ ոչ
Վարույթով տուժողի կարգավիճակ են ստացել զոհված զինծառայողների ծնողները, իսկ մեղադրյալի կարգավիճակ ունեցող…