Նոր Զելանդիայի ոստիկանությունը սպանության հետաքննություն է սկսել այն բանից հետո, երբ ընտանիքը առցանց աճուրդից գնել է ճամպրուկի մեջ պահված երկու երեխաների մնացորդները:
Ոստիկանության հայտարարության մեջ ասվում է, որ Հարավային Օքլենդի Մանուրեւա արվարձանի մի ընտանիք հայտնել է, որ գնված մի քանի իրերի մեջ հայտնաբերել է մարդու մարմնի մասեր:
Ոստիկանությունը հայտնել է, որ ընտանիքը կապված չէ երեխաների մահվան հետ: Երեխաները, որոնք, ամենայն հավանականությամբ, 5-ից 10 տարեկան են եղել, կարող էին մահացած լինել մի քանի տարի, հնարավոր է երեք կամ չորս տարի առաջ, մամուլի ասուլիսի ընթացքում ասել է հետախույզ տեսուչ Թոֆիլաու Ֆաամանուիա Վաաելուան:
Վաաելուայի խոսքով՝ կատարվում է փորձաքննություն՝ փորձելով պարզել երեխաների ինքնությունը։ Քննիչները նաեւ փորձում են հասկանալ, թե ինչպես, երբ եւ որտեղ են մահացել երեխաները:
Վաալուան ասել է, որ ոստիկանությունն աշխատում է Ինտերպոլի հետ, ինչպես նաեւ հետաքննություն է սկսել արտասահմանյան գործակալությունների հետ, սակայն նախնական հետաքննությունը ցույց է տալիս, որ զոհերի հարազատները գտնվում են Նոր Զելանդիայում:
