ՌԴ Պետդումայի նախագահ Վյաչեսլավ Վոլոդինը հանդիպել է Ադրբեջանի նախագահ Իլհամ Ալիեւի հետ։ Հանդիպման ընթացքում Վոլոդինը Ալիեւին է փոխանցել ՌԴ նախագահ Վլադիմիր Պուտինի ողջունի խոսքերը եւ լավագույն մաղթանքները։ «Ռուսաստանի եւ Ադրբեջանի հարաբերությունները հաջողությամբ զարգանում են՝ շատ հարցերում մեր նախագահների ջանքերի շնորհիվ»,- նշել է նա։
Վյաչեսլավ Վոլոդինն ընդգծել է, որ Պետական դուման եւ Միլի մեջլիսը պետք է աշխատեն Երկու երկրների դաշնակցային փոխգործակցության հռչակագրի իրականացման օրենսդրական ապահովման ուղղությամբ։
Ալիեւը ՌԴ-ի հետ միջխորհրդարանական շփումների շարունակման հույս է հայտնել, այդ թվում միջազգային հարթակներում։
