«Հյուսիսային հոսք» խողովակաշարում խախտումների աննախադեպ իրավիճակ է, հայտարարել է Կրեմլի խոսնակ Դմիտրի Պեսկովը, հաղորդում է «ՌԻԱ Նովոստին»։
«Իսկապես, էապես նվազել է ճնշումը, եւ դա աննախադեպ իրավիճակ է, որն անհապաղ լուծում է պահանջում։ Մեզ մտահոգում են այդ նորությունները»,- ասել է Պեսկովը։
Նա հայտարարել է, որ «այժմ չպետք է բացառել տարբերակներից եւ ոչ մեկը»։ «Ակնհայտ է, որ կան խախտումներ, եւ չպետք է բացառել որեւէ տարբերակ»,- նշել է նա։
Երկուշաբթի Nord Stream 2 AG-ը հայտնել է, որ «Հյուսիսային հոսք 2»-ի ճյուղերից մեկում արտակարգ իրավիճակ է գրանցվել Դանիայի ջրերում։ Պատճառը հայտնի չէ, հետաքննություն է ընթանում։