News
Լրահոս
News
Չորեքշաբթի
Նոյեմբեր 30
USD
395.53
EUR
393.43
RUB
6.42
Տեսնել լրահոսը

Թուրքիայի նախագահ Ռեջեփ Թայիփ Էրդողանը հայտարարել է, որ «անկեղծորեն հավատում է» Հայաստանի հետ հարաբերությունների կարգավորմանը։ Այս մասին նա ասել է Պրահայում Եվրոպական քաղաքական համայնքի գագաթաժողովի շրջանակներում Հայաստանի վարչապետ Նիկոլ Փաշինյանի հետ հանդիպումից հետո։

«Ես անկեղծորեն հավատում եմ, որ բարիդրացիական հարաբերությունների հիման վրա մենք կարող ենք հասնել մեր տարածաշրջանում ամբողջական կարգավորման մեր նպատակին»,- ասել է նա։

«Փաշինյանի հետ մեր հանդիպումն անցավ անկեղծ մթնոլորտում։ Այս հանդիպման ընթացքում որոշ պահանջներ առաջ քաշվեցին։ Այդ պահանջների հարցով մենք ուղարկեցինք մեր հատուկ ներկայացուցիչներին ու արտգործնախարարներին։ Նրանց հանդիպումից հետո արդյունքին համապատասխան քայլեր կձեռնարկենք»,- նշել է նա։

Էրդողանը վստահեցրել է, որ Թուրքիան նախապայմաններ չի դնում հարաբերությունների լիարժեք կարգավորման համար։ Նա նշել է, որ Անկարան Երեւանից ու Բքվից ակնկալում է իրենց խնդիրների լուծում եւ խաղաղության համաձայնագրի ձեռքբերում։ Նրա խոսքով՝ Անկարան ցանկանում է Թուրքիայի, Ադրբեջանի եւ Հայաստանի հարաբերությունների ջերմացում եւ կողմերի միջեւ առկա խնդիրների լուծում։ Նա հայտնել է, որ հանդիպման ժամանակ Փաշինյանին ասել է, որ «անհապաղ խաղաղության պայմանագիր կնքի Ադրբեջանի հետ», փոխանցում է Sabah-ը։

Նշենք, որ Պրահայում կայացել է Հայաստանի վարչապետ Նիկոլ Փաշինյանի եւ Թուրքիայի նախագահ Էրդողանի հանդիպումը։

Փաշինյանին ուղեկցում են արտգործնախարար Արարատ Միրզոյանը, Թուրքիայի հետ հարաբերությունների կարգավորման հարցերով Հայաստանի հատուկ բանագնաց, խորհրդարանի փոխխոսնակ Ռուբեն Ռուբինյանը, պաշտոնատար այլ անձինք։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանի եւ Թուրքիայի միջեւ հարաբերությունների կարգավորման գործընթացը դրական է ընթանում․ Քալըն
Նրա խոսքով՝ երկու երկրների հատուկ ներկայացուցիչները պարբերաբար շփվում են, քննարկում տարբեր․․․
Արարատ Միրզոյանը ԵԱՀԿ հարցերով կառավարող տնօրենի հետ քննարկել է Հայաստան-Թուրքիա հարաբերությունները
ՀՀ ԱԳ նախարարը ներկայացրել է Հարավային Կովկասում կայունության և խաղաղության հաստատման վերաբերյալ հայկական կողմի մոտեցումները…
Հայաստանի համար բարիդրացիական հարաբերությունների հաստատումը Թուրքիայի հետ, երբևէ վիճարկելի գաղափար չի եղել. ՀՀ նախագահ
Հայաստանն աներկբա կերպով ընտրել է խաղաղ, ժողովրդավար և մարդակենտրոն զարգացման ուղին...
Ռուբինյանը եվրոպացի գործընկերներին մանրամասներ է հայտնել Հայաստան-Թուրքիա հարաբերությունների կարգավորման գործընթացից
Կողմերը կարեւորել են Հայաստան-Եվրամիություն փոխգործակցությունը, այդ թվում` Արեւելյան գործընկերության շրջանակում...
Չավուշօղլուն շնորհակալություն է հայտնել Միրզոյանին Ստամբուլի ահաբեկչության առիթով հայտնած ցավակցության համար
Թուրքիայի արտաքին գործերի նախարարը շնորհակալություն է հայտնել հայ գործընկերոջը ցավակցությունների համար...
Արարատ Միրզոյանը ցավակցել է Թուրքիայի արտգործնախարարին
Հիշեցնենք` նոյեմբերի 13–ին Թուրքիայի կենտրոնում պայթյուն էր որոտացել, որի...
Ամենաշատ