Եվրամիության արտաքին քաղաքական ծառայության ներկայացուցիչ Փիթեր Ստանոն ասել է, որ Ռուսաստանի Դաշնության եւ Բելառուսի համատեղ խմբավորման տեղակայման կապակցությամբ ԵՄ-ն մտադիր է արձագանքել այդ գործողություններին։
Նրա խոսքով՝ Մոսկվայի եւ Մինսկի զորավարժությունները Ուկրաինայի հակամարտության նոր էսկալացիա կարող են դառնալ։
«Մենք լսեցինք [Բելառուսի նախագահ Ալեքսանդր Լուկաշենկոյի] հայտարարությունն այն մասին, որ Բելառուսն ու Ռուսաստանը սկսում են զորքերի համատեղ խմբավորում գործարկել։ Եթե դա տեղի ունենա, դա կլինի նոր էսկալացիա եւ անպատասխան չի մնա Եվրամիության կողմից»,- ասել է Ստանոն:
Ստանոն նաեւ հավելել է, որ Ուկրաինայի տարածքից Բելառուսին հնարավոր հարված հասցնելու վերաբերյալ Լուկաշենկոյի հայտարարությունները սուտ են։