Չնայած «Ադրբեջանի ցուցաբերած բարի կամքին»՝ Պրահայում հանդիպումից ընդամենը մեկ շաբաթ անց Ֆրանսիայի նախագահը հանդես է եկել «վիրավորական, անընդունելի, սուտ  եւ սադրիչ հայտարարություններով»։ Այս մասին հայտարարել է Ադրբեջանի նախագահ Իլհամ Ալիեւը՝ ելույթ ունենալով Աստանայում ԱՊՀ երկրների ղեկավարների հանդիպմանը։

«․․․Հայտարարվել է, որ Ֆրանսիան երբեք չի թողնի Հայաստանը։ Դե, ինչպես ասում են, սա երկկողմ հարաբերությունների խնդիր է։ Արվել են նաեւ տենդենցային հայտարարություններ՝ ուղղված ՌԴ դեմ, այն է՝  «Ռուսաստանը խաղաց ադրբեջանական խաղը»։ Թե որքանով է քաղաքականապես կոռեկտ, որ մեծ երկրի նախագահը օգտվի բակային լեքսիկոնից, թող որոշի ֆրանսիական հանրությունը։ Մենք կտրականապես դատապարտում, մերժում ենք նման հայտարարությունները եւ այլեւ որեւէ հնարավորություն չենք տեսնում, որ Ֆրանսիան կորղ է նպաստել  ադրբեջանա-հայկական հարաբերությունների կարգավորմանը»,-ասել է Ալիեւը՝ մեղադրելով Մակրոնին «փաստերը շահարկելու մեջ»։

Հետո նա մեղադրել է Ֆրանսիայի արտգործնախարարին «ստելու» մեջ, հիշեցրել Ֆրանսիայում Ադրբեջանի դեսպանատների վրա «հարձակումները»։