Առնվազն 14 մարդ վիրավորվել է ամերիկյան Չիկագո քաղաքում (Իլինոյսի նահանգ) Հելոուինի տոնի ժամանակ տեղի ունեցած հրաձգությունից։ Այս մասին երկուշաբթի տեղեկացրել էր ABC հեռուստաալիքը՝ հղում կատարելով տեղի ոստիկանությանը։

Իրավապահ մարմինները չեն նշել տուժածների վիճակի մասին։ Տեղի հրշեջ վարչության տեղեկացմամբ՝ 11 մարդ հոսպիտալացվել է։

Պատահարի վայր է ուղարկվել շտապօգնության 10 մեքենա։ Ոստիկանությունը հետաքննում է կատարվածի հանգամանքները։ Այլ մանրամասներ չեն նշվում։