News
Լրահոս
News
Երկուշաբթի
Ապրիլ 15
Տեսնել լրահոսը

Ավելի քան 2,41 մլն մարդ է տուժել Նալջի արևադարձային փոթորկի հետևանքով, որը հարվածել է Ֆիլիպիններին։ Ռիսկերի կանխարգելման և բնական աղետների վերացման ազգային խորհրդի երեքշաբթի հրապարակած զեկույցի համաձայն՝ աղետի զոհ է դարձել 110 մարդ, փոխանցում է ՏԱՍՍ-ը։

Գործակալության տվյալներով՝ 865,9 հազար տեղահանվածներ գտնվում են 2,72 հազար տարհանման կենտրոններում։ Ավելի քան 347,4 հազար մարդ նախապես լքել է տները։ Առնվազն 101 մարդ ստացել է տարբեր աստիճանի վնասվածքներ, 33-ը անհետ կորած է։

Փոթորիկը վնասել է 5,03 հազար տուն և ավերել 1,5 հազարը, 55 ենթակառուցվածքային օբյեկտների վնասը գնահատվում է 760,3 միլիոն պեսո (13,04 միլիոն դոլար): Աղետի հետեւանքով վնասվել է 422 ճանապարհ, 101 կամուրջ։ 294 քաղաքներում էլեկտրաէներգիայի անջատումներ են գրանցվել, սակայն 140-ում այն ​​արդեն վերականգնվել է, 41 համայնքներում կապի, 12-ում՝ ջրամատակարարման խնդիր կա։

670 ուսումնական հաստատություններում դադարեցվել են դասերը, իսկ 230 ձեռնարկություններում՝ աշխատանքները։ Արտակարգ դրություն է 160 քաղաքներում և մունիցիպալիտետներում։ Գյուղատնտեսությանը հասցված վնասը գնահատվում է 1,3 միլիարդ պեսո (22,37 միլիոն դոլար): Կառավարությունն արդեն 50,3 մլն պեսո (865,8 հազար դոլար) է հատկացրել օգնության համար։

«Նալջի» արևադարձային փոթորիկը շարժվում էր դեպի Ֆիլիպինների հյուսիս, որտեղ հազարավոր մարդիկ նախապես տարհանվել էին նախքան հոկտեմբերի 29-ին տարերային աղետը կմոտենար ցամաքին: Հոկտեմբերի 30-ին փոթորիկը լքել է Լուզոն կղզու տարածքը, իսկ հոկտեմբերի 31-ի կեսօրին՝ Ֆիլիպինների պատասխանատվության շրջանը։

Ամեն տարի Ֆիլիպիններին հարվածում է միջինը 20 թայֆուն և փոթորիկ, ինչի հետևանքով մարդիկ զոհվում են և ավերվում տներ, ճանապարհներ և կամուրջներ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արցախի Մարտակերտի շրջանի ոստիկանության բաժնի պետը կասկածվում են անձնական ունեցվածքի գողություն կատարելու մեջ
ՀՀ Քննչական կոմիտեի Արարատի մարզային քննչական վարչությունում...
1 տարեկան երեխայի վիճակը գնահատվել է ծանր․ Շուշան Դանիելյան
անհրաժեշտ բոլոր հետազոտություններն անցնելուց հետո, երեխան տեղափոխվել է «Սուրբ Աստվածամայր» բժշկական կենտրոն․․․
Երևանում 1,5 տարեկան տղան անզգուշաբար ընկել է 3-րդ հարկի պատուհանից
Պարզվել է նաև, որ նա հիվանդանոց է տեղափոխվել Ալեք Մանուկյան փողոցից…
AntiFake.am-ի խմբագրությունը դատապարտում է Հայաստանում ազատ խոսքը լռեցնելու գործողությունները. հայտարարություն
Այսօր՝ ապրիլի 15-ին, ոստիկանության ծառայողների կողմից վարչական…
Մեխիկոյում ուղղաթիռի կործանման հետևանքով երեք մարդ է զոհվել
Ուղղաթիռը կործանվել է քաղաքի հարավում՝ Կոյոական շրջանում
Օտարերկրացի կինը գազային նյութ է փչել շինանյութի խանութի վաճառողուհու աչքերին․ կան հոսպիտալացվածներ. Shamshyan.com
«Մալայան» ակնաբուժական կենտրոն  մեկնած ոստիկանները պարզում են որ վիրավորները Երևանի բնակիչներ 20-ամյա Մարգարիտա…
Ամենաշատ