Վրաստանի բնակիչներն ամենակարեւոր քաղաքական եւ տնտեսական գործընկերներ են համարում Եվրամիությունը, ԱՄՆ-ը, Ուկրաինան եւ Թուրքիան, իսկ սպառնալիք երկրների ցուցակում մեծ տարբերությամբ առջեւում Ռուսաստանն է։
2022թ. աշնանն անցկացված հարցման տվյալները տարածել է IRI միջազգային հանրապետական ինստիտուտը, տեղեկացրել է «Новости- Грузия»-ն։
Վրաստանի բնակիչների ընդամենը 7 տոկոսն է Ռուսաստանը համարում «քաղաքական գործընկեր», իսկ 15 տոկոսը՝ «տնտեսական գործընկեր», 89 տոկոսը Ռուսաստանը համարում է գլխավոր արտաքին սպառնալիք։ Հարեւան Հայաստանը եւ Ադրբեջանը առաջին տասնյակում են, բայց առաջատար դիրքերում չեն։ 6 տոկոսը Հայաստանը համարում է քաղաքական, 5 տոկոսը՝ տնտեսական գործընկեր։ Հարցվողների 14 տոկոսը նշել է, որ Ադրբեջանը քաղաքական գործընկեր է, 18 տոկոսի կարծիքով՝ Ադրբեջանը տնտեսական գործընկեր է։
