Ամերիկյան Tesla ընկերությունը ԱՄՆ-ից հետ է կանչում ավելի քան 40,000 էլեկտրական մեքենա՝ ղեկի հզորության հետ կապված հնարավոր խնդրի պատճառով: Կոնցեռնը հայտնել է, որ ղեկի կառավարման համակարգը անհարթ ճանապարհին կամ փոսի մեջ հայտնվելու դեպքում կարող է խափանվել, հայտնում է Habr-ը։
Մասնավորապես, հետ կանչման ենթակա են 2017-ից 2021 թվականներին արտադրված Model S եւ Model X մի շարք էլեկտրական մեքենաներ։ Tesla-ն հայտնել է, որ հետ կանչված ավելի քան 97 տոկոս մեքենաներում արդեն տեղադրել են թարմացումը, որ արդյունքում խնդիրը լուծվել է։
2022 թվականի սեպտեմբերին Tesla-ն հետ էր կանչել մոտ 1,1 մլն էլեկտրական մեքենա պատուհանների ավտոմատ փակման համակարգի սխալ աշխատանքի պատճառով։ Դրանց թվում էին ընկերության Model 3, Y, S եւ X շարքը։
2022 թվականին ընկերությունն արդեն մի քանի անգամ էլեկտրական մեքենաներ է հետ կանչել ։ Հունվարին Tesla-ն հետ է կանչել ավելի քան 53 հազար էլեկտրական մեքենա Full Self-Driving ինքնավար վարման ծրագրի սխալի պատճառով:
