Ադրբեջանի Միլի Մեջլիսը լիակազմ նիստում հաստատել է «Իսրայելում Ադրբեջանի դեսպանություն ստեղծելու մասին» օրենքը։
Ինչպես հաղորդում է «ինտերֆաքս-Ադրբեջանը», դեսպանություն կբացվի Թել Ավիվում։ Բացի այդ, խորհրդարանը հավանություն է տվել Ալբանիայում (Տիրանա) եւ Քենիայում (Նայրոբի) Ադրբեջանի դեսպանությունների, Պաղեստինում (Ռամալլա) ներկայացուցչության բացմանը:
Իսրայելի վարչապետ Յաիր Լապիդը Twitter-ի իր էջում ողջունել է Իսրայելում դեսպանություն բացելու Ադրբեջանի խորհրդարանի որոշումը։ «Ողջունում եմ Իսրայելում դեսպանություն բացելու Ադրբեջանի խորհրդարանի որոշումը։ Ադրբեջանը Իսրայելի կարեւոր գործընկերն է եւ իսլամական աշխարհում ամենամեծ հրեական համայնքներից մեկի տունը: Ցանկանում եմ շնորհակալություն հայտնել նախագահ Իլհամ Ալիեւին եւ շնորհավորել ադրբեջանցի ժողովրդին, որն այժմ առաջին անգամ ներկայացված կլինի Իսրայել Պետությունում»,- գրել է Լապիդը։
