News
Լրահոս
News
Երեքշաբթի
Փետրվար 07
USD
395.53
EUR
393.43
RUB
6.42
Տեսնել լրահոսը

ՄԱԿ-ի գլխավոր քարտուղարի Խաղաղությանն ուղղված գործողությունների գծով տեղակալ Ժան-Պիեռ Լակրուան իր երախտագիտությունն է հայտնում Միավորված ազգերի կազմակերպության խաղաղապահ գործողություններին Հայաստանի ցուցաբերած վճռական աջակցության և ՄԱԿ-ի դրոշի ներքո տեղակայված ռազմական և ոստիկանական անձնակազմի ծառայության և անձնազոհության համար։ Այս մասին NEWS.am-ը տեղեկանում է ՄԱԿ-ի հայաստանյան գրասենյակից:

ՄԱԿ-ի անդամ 193 պետություններից Հայաստանը ներկայումս 79-րդն է ՄԱԿ-ի խաղաղությանն ուղղված գործողություններին ամենամեծ թվով ռազմական անձնակազմի տրամադրման առումով, որ ներառում է 32 խաղաղապահների, այդ թվում՝ երեք կին ծառայողների, որոնք ծառայում են Լիբանանում ՄԱԿ-ի ժամանակավոր ուժերի (UNIFIL) կազմում։

Առաջին հայ խաղաղապահը Լիբանանում ՄԱԿ-ի ժամանակավոր ուժերի (UNIFIL) կազմում տեղակայվեց 2012թ. փետրվարին։ 2014 թվականի նոյեմբերից ի վեր Հայաստանը մշտական ներդրում ունի առաքելության մեջ, երբ Լիբանան ժամանեց նրա առաջին զորախումբը՝ բաղկացած 33 զինվորականից։

Հայաստանը նախկինում մի քանի տարի շարունակ նաև սահմանափակ թվով խաղաղապահներ է տեղակայել ՄԱԿ-ի հովանու ներքո Մալիում Բազմազգ միացյալ կայունացման առաքելության (MINUSMA) կազմում։

«Հայ տղամարդիկ և կանայք ծառայել են ՄԱԿ-ի խաղաղապահ բազմաբնույթ միջավայրերում և ցուցաբերել արհեստավարժության և նվիրվածության բարձր մակարդակ: Խորապես երախտապարտ ենք տևական խաղաղության և անվտանգության գործում նրանց ներդրման համար», - նշեց պարոն Լակրուան։

Հայաստանը նաև հավանություն է տվել Գլխավոր քարտուղարի «Գործողություն հանուն խաղաղության պահպանման» (A4P) նախաձեռնությանը, որի նպատակն է ամրապնդել խաղաղապահությունը ավելի նպատակային մանդատների, ավելի ուժեղ և անվտանգ գործողությունների, ավելի հագեցած և պատրաստված ուժերի և քաղաքական լուծումների համար աջակցություն հավաքագրելու միջոցով։

!
Այս նյութը հասանելի է նաև   English
Տպել
Կարդացեք նաև
Ամբողջը
Արեւմուտքը փաստացի սառեցնում է Անդրկովկասի անվտանգության բանակցությունները ժնեւյան քննարկումների շրջանակում. Կարասին
Դե, հիմա Հարավային Կովկասի հետ մեր ընդհանուր տարածաշրջանի ժողովուրդները ստիպված կլինեն տառապել եւ անհանգստանալ․․․
Թուրքիան ՄԱԿ-ի Անվտանգության խորհրդին կոչ է արել ճանաչել «Հյուսիսային Կիպրոսը»
Նա նաեւ քննադատել է ՄԱԿ-ի Անվտանգության խորհրդին՝ Կիպրոսում ՄԱԿ-ի խաղաղապահների մանդատը երկարաձգելու երկուշաբթի օրը կայացրած որոշման համար․․․
Արդարադատության միջազգային դատարանը հեռացել է խորհրդակցական սենյակ՝ որոշում կայացնելու
Ադրբեջանը պետք է անհապաղ ամբողջությամբ վերականգնի և ձեռնպահ մնա Լեռնային…
Թուրքիան կասկած է հայտնել ՄԱԿ-ի արդյունավետության վերաբերյալ
Թուրքիայի նախագահ Ռեջեփ Թայիփ Էրդողանը բազմիցս քննադատել է ՄԱԿ-ի կառուցվածքը․․․
Որքա՞ն անդամավճար է Հայաստանը վճարել ՄԱԿ-ին, ԵԱՀԿ-ին եւ ԵԽ-ին
2003 թվականից մինչեւ 2022 թվականը․․․
ՄԱԿ-ի միջազգային դատարանում ավարտվել են Հայաստանի դեմ Ադրբեջանի հայցի հանրային լսումները
Ժամանակավոր միջոցառումների կիրառման միջնորդության վերաբերյալ Դատարանի որոշումը կկայացվի դռնբաց նիստում, որի օրը կհայտարարվի հաստատված կարգով․․․
Ամենաշատ
Ֆոտոռեպորտաժներ