Հունգարիան բացառություն կստանա ռուսական նավթի ներկրման գների համար ԵՄ ծրագրած սահմանափակումներից, հայտարարել է առեւտրի եւ արտաքին գործերի նախարար Պիտեր Սիյարտոն՝ հավելելով, որ «մի քանի վտանգավոր առաջարկներ դեռեւս գտնվում են բանակցությունների սեղանին», հայտնում է Daily Hungary-ն։
Ծրագրրի համաձայն՝ նավթի գների համար սահմանափակումը չի կիրառվի ոչ խողովակաշարային, ոչ էլ ծովով մատակարարումների դեպքում, եթե դրանք անհրաժեշտ լինեն խողովակաշարով առաքման հնարավոր չլինելու դեպքում։
Սիյարտոյի խոսքով՝ այս վերջին բացառությունը կարեւոր է՝ հաշվի առնելով Ուկրաինայի տարածքով մատակարարումների ընդհատումները։
Եթե այս արտոնությունները չկիրառվեին, ռուսական նավթի մատակարարումների ծավալը կկրճատվեր, ինչը գների բարձրացմանը կհանգեցներ, ասել է Սիյարտոն։
Նա նշել է, որ անդամ երկրները իրենց մտադրությունից 6 շաբաթ առաջ պետք է տեղեկացնեն ԵՀ-ին քննարկելու գազի մատակարարումներն այն ժամանակ, երբ անհրաժեշտ են արագ որոշումներ».
«Դա հիմարություն է, մենք անգամ չենք հասկանում, թե ինչպես դա կարող էր առաջարկության մեջ հայտնվել», — ասել է Սիյարտոն։
Նա նաեւ քննադատել է առաջարկի այն հատվածը, որը պահեստներում բավականաչափ գազ ունեցող անդամ երկրներից պահանջում է դրա մի մասը փոխանցել ճգնաժամի ժամանակ խնդիրներ ունեցող երկրներին:
«Պատկերացրեք մի իրավիճակ, երբ ինչ-որ մեկը Բրյուսելից կարող է մեզ հրամայել հունգար ժողովրդի փողերով գնված գազն այլ երկիր ուղարկել», - ասել է Սիյարտոն:
Սիյարտոն ասել է, որ անդամ երկրները համաձայնության չեն եկել գազի ներկրման համար առավելագույն գին սահմանելու հարցում: Սիյարտոն այս առաջարկն անվանել է «վտանգավոր, անիմաստ եւ ոչ ադեկվատ»՝ ասելով, որ վտանգ կա, որ Եվրոպայից գազի մատակարարումները կդադարեցվեն կամ կուղղվեն մեկ այլ ուղղությամբ եւս:
