«Իսլամական պետություն» ահաբեկչական խմբավորումը հայտարարել է իր առաջնորդ Աբու Հասան ալ Հաշիմի ալ Կուրաշիի մահվան մասին։ Ահաբեկիչների ներկայացուցիչն ասել է, որ Հաշիմին սպանվել է «Աստծո թշնամիների հետ մարտում»՝ չճշտելով նրա մահվան ամսաթիվը եւ հանգամանքները, հաղորդում է AFP-ն:
Ելույթ ունենալով աուդիոհաղորդագրությամբ՝ նա որպես խմբավորման նոր առաջնորդ նշել է Աբու ալ Հուսեյն ալ Հուսեյնի ալ Կուրաշիի անունը։ Նա ԻՊ-ին հավատարիմ բոլոր խմբավորումներին կոչ է արել հավատարմության երդում տալ նրա չորրորդ առաջնորդին:
ԻՊ-ի նախկին ղեկավար Աբու Իբրահիմ ալբԿուրաշին սպանվել էր այս տարվա փետրվարին Սիրիայի հյուսիսային Իդլիբ նահանգում ԱՄՆ-ի հարձակման ժամանակ։
Նրա նախորդը՝ Աբու Բաքր ալ-Բաղդադին նույնպես սպանվել էր Իդլիբում՝ 2019 թվականի հոկտեմբերին։