News
Լրահոս
News
Շաբաթ
Փետրվար 04
USD
395.53
EUR
393.43
RUB
6.42
Տեսնել լրահոսը

Այս ձմռանը Ֆրանսիան կարող է բախվել «մի քանի օրով» էլեկտրաէներգիայի անջատումների անհրաժեշտությանը։ Այս մասին հայտարարել է ֆրանսիական RTE էներգետիկ կարգավորիչի ղեկավար Քսավյե Պեչաչիկը, փոխանցում է Reuters-ը։

«Իրավիճակը լարված է, բայց չպետք է կարծել, որ էլեկտրաէներգիայի անջատումներն անխուսափելի են,- France Info ռադիոկայանին ասել է Պեչաչիկը,- Այսօր մենք դեկտեմբերի 1-ի դրությամբ ունենք 35 գեգավատտ հասանելի միջուկային էներգիա, նպատակն է հունվարի 1-ին հասնել 40-41 գեգավատտի եւ ամիսն ավարտել շուրջ 43-ով՝ 61 ընդհանուր հզորության համեմատ»:

Կանխատեսումը մոդելավորվել է EDF ատոմակայանի տեխնիկական սպասարկման ժամանակացույցի հիման վրա՝ որոշ լրացուցիչ ուշացումներով, որոնք արդեն սպասվում են, ասել է նա:

EDF-ն բախվել է իր միջուկային ռեակտորների աննախադեպ անջատումների՝ միջուկային էներգիայի արտադրությունը հասցնելով 30 տարվա նվազագույնին, քանի որ Եվրոպան ամեն կերպ փորձում է փոխարինել ռուսական գազի մատակարարումները:

RTE-ի սցենարով՝ «այս ձմռանը մի քանի օրվա» վտանգ կա, երբ երկրի էլեկտրաէներգիայի մոնիտորինգի Ecowatt հավելվածը կարմիր ազդանշան ցույց կտա, ասել է Պեչաչիկը: Դա կստիպի բաժանորդներին մասնամբ անջատել էլեկտրացանցից:

Ecowatt-ը հավելված է, որը թույլ է տալիս սպառողներին եւ ձեռնարկություններին իրական ժամանակում վերահսկել իրենց էլեկտրաէներգիայի իրավիճակը, որպեսզի նրանք կարողանան կրճատել իրենց սպառումը եւ խուսափել հոսանքազրկումից:

Պեչաչիկը խոստովանել է, որ դեռեւս բավարար թվով մարդիկ չեն օգտվում հավելվածից։ «Մենք ունենք SMS ծանուցումների 470 000 բաժանորդ, եւ մեր հավելվածը ներբեռնել են մոտ 300 000 անգամ: Սա քիչ է, ավելի շատ գովազդ է պետք»,- ասել է նա։

Վերլուծաբանները Reuters-ին հայտնել են, որ ցուրտ եղանակը կարող է հանգեցնել նախնական անջատման արդեն երկուշաբթի: «Եթե մենք մնանք 35 ԳՎտ հզորության վմակարդակում, ապա հաջորդ շաբաթ երկուշաբթին կարող է բավականին լարված լինել՝ մենք ակնկալում ենք, որ պահանջարկը կլինի սեզոնային նորմալ մակարդակի վրա, բայց 35 ԳՎտ միջուկային էներգիան շատ քիչ կլինի 73 ԳՎտ պահանջարկի հնարավոր գագաթնակետը բավարարելու համար»,- ասել է Refinitiv-ի վերլուծաբան Նատալի Գերլը։

Այնուամենայնիվ, էլեկտրաէներգիայի խոշոր մատակարարներից մեկի՝ Engie-ի բիզնեսի եւ վարչական հաճախորդների ղեկավար Ֆրեդերիկ Լեֆորը հայտարարել է, թե «մենք չենք ակնկալում որեւէ կարմիր նախազգուշացում մինչեւ 2022 թվականի վերջը»:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ադրբեջանը, Վրաստանը, Հունգարիան եւ Ռումինիան հոսանքի մատակարարման աշխատանքային խումբ են ստեղծել
Ադրբեջանից Վրաստանի եւ Ռումինիայի տարածքով դեպի Հունգարիա մաքուր էլեկտրաէներգիա տեղափոխելու լայնածավալ նախագիծը կնպաստի երկու կարեւոր նպատակների իրականացմանը․․․․
Լաուրա Լոհմանը Ադրբեջանի իշխանություններին հավաստիացրել է, որ ԱՄՆ-ն պատրաստ է զարգացնել համագործակցությունը
Նա նշել է, որ նախագահ Ջոզեֆ Բայդենը աջակցում է Կասպից ծովից Եվրոպա գազի արտահանմանը․․․
Ադրբեջանի եւ Ռումինիայի նավթային ընկերությունները գազի մատակարարման շուրջ պայմանագիր են ստորագրել  
Պայմանագիրը կգործի 2023 թվականի ապրիլի 1-ից մինչեւ 2024 թվականի ապրիլի 1-ն ընկած ժամանակահատվածում․․․
ԵԱՏՄ երկրների վարչապետները որոշել են շարունակել գազի միասնական շուկայի մասին համաձայնագրի շուրջ բանակցությունները
Գազի ընդհանուր շուկայի մասին համաձայնագիրը քննարկման փուլում է․․․
Հայաստանի փորձն ուսումնասիրվում է էլեկտրաէներգիայի շուկան ձեւավորելիս.  Եվրասիական տնտեսական հանձնաժողով
Մենք ուշադիր ուսումնասիրում ենք ԵԱՏՄ-ի անդամ պետությունների փորձը, ասել է ԵՏՀ-ի պաշտոնական ներկայացուցիչը...
Հայաստանը շահագրգռված է կոնսենսուսով ԵԱՏՄ-ի գազի ընդհանուր շուկայի ձեւավորման հարցում. Փաշինյան
Կարեւոր եմ համարում էներգառեսուրսների ընդհանուր շուկաների ձեւավորումը, ասել է Փաշինյանը...
Ամենաշատ