Ուրախ եմ, որ իմ անձի շուրջ կա նման հետաքրքրություն։ Նշանակում է, որ ես ամեն ինչ ճիշտ եմ անում արցախցիների եւ մեր երկրի համար։ Այս մասին ֆեյսբուքյան իր էջում գրել է Արցախի պետնախարար Ռուբեն Վարդանյանը։
«Ժամանակն է վերջացնել այս ամենը։ Ժամանակն է բացել ճանապարհը եւ Արցախի իշխանությունների հետ նստել բանակցությունների սեղանի շուրջ»,– հավելել է նա։
Հիշեցնենք՝ այսօր՝ դեկտեմբերի 23–ին, Ադրբեջանի Արտաքին գործերի նախարար Ջեյհուն Բայրամովը ռուս գործընկեր Սերգեյ Լավրովի հետ բանակցություններից հետո կայացած մամուլի ասուլիսում հայտարարել է, թե Ռուբեն Վարդանյանը պետք է հեռանա Լեռնային Ղարաբաղից։
