Անհետ կորածների որոնողական աշխատանքներ են տեղի ունենում. Այո ոչ բոլոր մեր նահատակների մարմիններն են հայտնաբերվել. բայց նաեւ սեպտեմբերի 13-ից հետո մեր 17 ռազմագերիները վերադարձվել են, եւ մենք շարունակում ենք ջանքեր գործադրել այդ ուղղությամբ: Այս մասին այսօր՝ հունվարի 10-ին մամուլի ասուլիսի ժամանակ նշեց ՀՀ վարչապետ Նիկոլ Փաշինյանը:
«Ադրբեջանը գերիներին չի վերադարձնում, որովհետեւ դա լծակ է Հայաստանի նկատմամբ ճնշում գործադրելու, որ ՀՀ կառավարությունը նաեւ ներքին ճնշումների ազդեցության տակ գնա որոշումների, որոնք չեն համապատասխանում Հայաստանի շահերին: Դա արվում է նաեւ նոյեմբերի 9-ի եռակողմ հայտարարության խախտումով: Բայց մենք շարունակելու ենք մեր ջանքերը: Մեր գնահատականն այն է, որ քանի չեն եկել, ուրեմն բավարար չեն»,-ասաց նա:
Փաշինյանը հիշեցրեց, որ դեռեւս 44-օրյա պատերազմից շուրջ 200 անհետ կորածներ ունենք. «Հիմա մենք գերիների, անհետ կորածների հանձնաժողովը վերակազմավորվել է ԱԱԾ տնօրենի գլխվորությամբ, աշխատում են: Եւ վերիների, եւ անհետ կորածների ծնողների հարազատների հետ հաղորդակցության մեջ են: Պետք է աշխատենք այնքան, քանի դեռ խնդիրը լուծված չէ»: