Աշխարհը չճանաչեց ԼՂՀ-ն որպես անկախ պետություն՝ դա ճիշտ է, բայց Ղարաբաղի հարցը վիճելի է, բանակցություններ են ընթացել նրա շուրջը, կար Մինսկի ձեւաչափ՝ Ֆրանսիայի, Ռուսաստանի եւ ԱՄՆ-ի մասնակցությամբ։ Ի՞նչ են նրանք քննարկել։ Հակամարտության կարգավորման հնարավորությունը, այս կարգավիճակը փոխելու հնարավորությունը, այս կարգավիճակը փոխելու տարբեր տարբերակներ եւ այլն։ Այս մասին NEWS.am-ի թղթակցի հետ զրույցում ասաց քաղաքագետ Ալեքսանդր Իսկանդարյանը։
Նա նշեց, որ իրավիճակը որոշ չափով ավելի բարդ է, քան ասված է ձեւակերպման մեջ (Նիկոլ Փաշինյանի - խմբ.)
Իսկանդարյանը նշեց, որ բանակցային գործընթացը ղարաբաղյան երկրորդ պատերազմից հետո օդում կախված է մնացել, սակայն ղարաբաղյան խնդիրը չի վերացել, այն մնացել է.
«Ավելին, վերջին էսկալացիան ընդգծվել է հենց Հայաստանի Հանրապետության եւ Ադրբեջանի սահմանին, այլ ոչ թե Ադրբեջանի եւ ԼՂՀ-ի սահմանին։ Իսկ ո՞վ ասաց, որ եթե Ադրբեջանին հաջողվի հասնել իր նպատակին՝ տեղահանելով կամ սպանելով Լեռնային Ղարաբաղի բոլոր բնակիչներին, ապա հաջորդ օրը նա ավելի հեռուն չի գնա։ Որտեղ է դա գրված: Ոչ մի 29 800 քառակուսի կիլոմետր արդեն չկա, ավելի քիչ է։ Բացի այդ, Ադրբեջանից տարբեր խոսքեր ենք լսում, այդ թվում՝ Սեւանի ու Երեւանի մասին։
Մենք ավելի շա՞տ անվտանգություն ունեինք, երբ հայ զինվորները կանգնած էին Հորադիզում, կամ ավելի շա՞տ, երբ նրանք կանգնած են Կապանում։ Ղարաբաղը միայն անվտանգություն սպառո՞ղ է եղել, թե՞ անվտանգություն է ապահովել։ 2020 թվականի պատերազմից հետո սա բոլորի համար բավականին ակնհայտ դարձավ։
Ալիեւը կանգ չի առնի, եթե էլի որեւէ բան տրվի։. Ինչո՞ւ պետք է կանգ առնի, եթե իրեն ինչ-որ բան են տալիս։
Հայաստանը շատ լուրջ արտաքին քաղաքական ճգնաժամի մեջ է։ Այն ճնշումը, որ գործադրվում է հայկական կողմերի վրա, բավականին ուժեղ է։ Թե ինչպես կարելի է դուրս գալ այս ճնշումից կամ դիմակայել, այնքան էլ պարզ չէ։ Իրավիճակը բավականին բարդ է, միջոցները, որոնք կարելի է ինչ-որ կերպ կիրառել, այնքան էլ չեն օգնում։ Դա երեւում է այն թեզերից, որոնք մամուլի ասուլիսում առաջ էր քաշում Հայաստանի վարչապետը»,- նշեց քաղաքագետը։
