Կատարվածն ունի իր պատճառները․տղաները տեղավորվել են գյուղի այդ տանը, որովհետեւ զորանոցը պայթեցվել է Ադրբեջանի հարձակման հետեւանքով։ Այս մասին Հանրային հեռուստաընկերության եթերում ասել է ՀՀ հատուկ հանձնարարություններով դեսպան Էդմոն Մարուքյանը՝ անդրադառնալով Ազատ գյուղում տեղակայված ինժեներասակրավորային վաշտի զորանոցում տեղի ունեցած հրդեհին։
«Սեպտեմբերի 13-ի հարձակման հետո, երբ որ զորամասը պայթեցվել էր, զորամասի փոխարեն Կառավարությունը պատվիրել էր իտալական մոդուլային զորամասեր։ Մատակարար ընկերությունն առաջարկել էր բերել Աֆղանստանում օգտագործված մոդուլային զորամասեր, բայց Կառավարությունը պահանջել է ամբողջությամբ նորը։ Այդ պայմաններում էլ պետք է ապահովվեին բոլոր պայմանները, բայց զորանոցները եկել են։ Կատարվածն ունի իր պատճառները․ տղաները տեղավորվել են գյուղի այդ տանը, որովհետեւ զորանոցը պայթեցվել է Ադրբեջանի հարձակման հետեւանքով։ Պետք է լինեն այդ մոդուլները՝ բոլոր պայմաններին համապատասխանող։ Այդ մոդուլներն արդեն տեղ են հասել։ Հարձակումից անցել է չորս ամիս, սա են հասցրել արել։ Պետք է ամբողջապես փոխել համակարգը»,- նշել է նա։
Հավելենք, որ ՊՆ խոսնակ Արամ Թորոսյանը «Լուրերին» փոխանցել է լուսանկարներ, որտեղ երեւում է, թե ինչպիսի տեսք են ունենալու նոր կացարանները։