Մարդու իրավունքների եվրոպական դատարանը խոսքի ազատության խախտում է համարել գեղարվեստական գիրքը, որտեղ միասեռ ամուսնությունները նշվում են որպես երեխաների համար վնասակար, գրում է Politico-ն։
Գործը Լիտվայի կառավարությանը բախման մեջ է դրել հեքիաթների ժողովածուի հեղինակի հետ, որի պատմությունը որոշ դեպքերում պտտվել է միասեռ ամուսնությունների շուրջը (օրինակ՝ գրքերից մեկում նկարագրվում են արքայադուստրը եւ կոշկակարի աղջիկը՝ հարսանիքից հետո միմյանց գրկում քնած):
«Սաթե սիրտը» գրքի տարածումը կասեցվել է 2014 թվականի մարտին հրատարակվելուց անմիջապես հետո։ Մեկ տարի անց գիրքը տարածվել է պիտակով, որը զգուշացրել է, որ դրա բովանդակությունը կարող է վնասակար լինել մինչեւ 14 տարեկան երեխաների համար:
Հեղինակ Ներինգա Մակատեն քաղաքացիական հայց է ներկայացրել Լիտվայում հրատարակչի դեմ՝ պնդելով, որ միասեռ հարաբերություններին հղումները չեն կարող վնասակար համարվել երեխաների համար: Այն բանից հետո, երբ նրա հայցը մերժվել է Լիտվայի բոլոր ատյանների դատարանների կողմից, 2019 թվականի նոյեմբերին նա հայց է ներկայացրել ՄԻԵԴ։ 2020 թվականին նա մահացել է։
Իր վճռի մեջ դատարանը որոշել է, որ «դիմումատուի գրքի դեմ ուղղված միջոցները ուղղված են եղել նրան, որ սահմանափակվի երեխաների հասանելիությունն այն տեղեկատվությանը, որ միասեռ հարաբերությունները համարժեք են տարբեր սեռերի հարաբերություններին»: Սա, ըստ դատարանի, խախտում է Մարդու իրավունքների եվրոպական կոնվենցիայի 10-րդ հոդվածը, որը վերաբերում է խոսքի ազատությանը։
Դատարանին չի համոզել լիտվական կառավարության փաստարկը, որ գիրքը «միասեռական ընտանիքները մյուսներից բարձր է ներկայացնում»։ «Ընդհակառակը, հեքիաթները հասարակության բոլոր անդամների հանդեպ հարգանք եւ ընդունում են քարոզել իրենց կյանքի հիմնարար ասպեկտում, այն է՝ նվիրված հարաբերություններում»,- ասվում է դատարանի որոշման մեջ:
