Գերմանիայում անհայտ անձը գնացքում երկու մարդու դանակահարել է, յոթին՝ վիրավորել։ Ոստիկանությունը հայտնել է, որ տղամարդը դանակով հարձակվել է մի քանի ուղեւորների վրա՝ մինչ Քիլ-Համբուրգ տարածաշրջանային գնացքը կհասներ Բրոկշտեդ կայարան, հայտնում է AP-ն։
Ոստիկանության ներկայացուցիչ Յուրգեն Հենինգսենը հայտնել է, որ վիրավորներից երկուսը մահացել են հարձակումից հետո։ Երեք հոգի ծանր վնասվածքներ են ստացել, եւս չորսը՝ թեթեւ վնասվածքներ։ Զոհերի ինքնության մասին մանրամասներ չեն հաղորդվում։
Հարձակվողը նույնպես վիրավորվել եւ տեղափոխվել է հիվանդանոց։
Ոստիկանությունը կասկածյալի ինքնության մասին որեւէ տեղեկություն չի հայտնել, բացի այն, որ նա 20-30 տարեկան է։ Հարձակման հնարավոր դրդապատճառները հետաքննվում են։
