Մեծ Բրիտանիայի պաշտպանության նախարար Բեն Ուոլեսը չորեքշաբթի օրը հայտարարել է, որ երկիրը իր կործանիչներն Ուկրաինա չուղարկելու «հաստատ որոշում» չի կայացրել, սակայն ինքն այս պահին դա ճիշտ մոտեցում չի համարում, հաղորդում է Reuters-ը։
«Ես դրանով բավական վաղուց եմ զբաղվում: Եվ յուրացրել եմ երկու բան՝ երբեք ոչինչ չբացառել եւ ոչինչ չբացառել»,- ասել է նա լրագրողներին, երբ նրան հարցրել են, թե ինչու Մեծ Բրիտանիան ինքնաթիռներ չի ուղարկի Ուկրաինա:
«Դա հաստատ որոշում չէ»,- հավելել է նա: «Այս պահին ես չեմ կարծում, որ դա ճիշտ մոտեցում է… Այն, ինչ այս տարի առաջ կմղվի այս հակամարտությունում, ուկրաինացիների համար արեւմտյան տեխնիկան Ռուսաստանի դեմ օգտագործելու հնարավորությունն է»:
