Դուբայի Jumeirah Bay երկնաքերերի համալիրում ռեկորդային գնով պենտհաուս է վաճառվել։ Գործարքը դարձել է էմիրությունում ամենաթանկ տան վաճառքը, ըստ The National News-ի:

Հաստատությունը գտնվում է Bulgari Lighthouse շենքում։ Գնորդը, որի անունն անհայտ է, տան համար վճարել է 112 միլիոն դոլար։ Գործարքը գրանցվել է փետրվարի 1-ին։

Պենտհաուսը զբաղեցնում է ավելի քան 3,6 հազար քառակուսի մետր տարածք եւ ունի ինը ննջասենյակ։ Գինը ներառում է նաեւ հինգ ավտոկայանատեղի։ Վաճառքի վերաբերյալ այլ մանրամասներ չեն հաղորդվում։