Սերբ ռեժիսոր, կինոդեբյուտների «Կրակի ոգի» փառատոնի նախագահ Էմիր Կուստուրիցան ոտքի կոտրվածքով հոսպիտալացվել է։ Այս մասին հայտնում է ՏԱՍՍ-ը։
«Էմիր Կուստուրիցան կոտրել է ոտքը, անհաջող ընկել է սառույցի վրա Սերբիայում, նրան վաղը նախատեսում են վիրահատել։ Կինոփառատոնին նա կաշխատի գիպսով»,- ասել են գործակալության զրուցակիցները։
«Կրակի ոգի» XXI փառատոնն այս տարի կանցկացվի մարտի 3-6-ը՝ Խանտի Մանսիյսկում: 2022 թվականի աշնանը Կուստուրիցային հաստատել են որպես կինոփառատոնի նոր նախագահ։
