Ուկրաինան արդեն նորվեգական Leopard 2 տանկ է ստացել, հայտնում է «ՌԻԱ Նովոստին»՝ հղում անելով Նորվեգիայի պաշտպանության նախարարությանը։
«Ուկրաինան արդեն նորվեգական Leopard 2 տանկ է ստացել, ուկրաինական անձնակազմին սովորեցնում են»,- Twitter-ում հայտնել է Նորվեգիայի պաշտպանության նախարարությունը։ Գործակալությունը լուսանկար է հրապարակել, որտեղ երեւում է, թե ինչպես է տանկը դուրս գալիս «An» ռազմատրանսպորտային ինքնաթիռից։
Ավելի վաղ Նորվեգիայի պաշտպանության նախարար Բյորն Արիլդ Գրամը հայտնել էր, որ Օսլոն Leopard տանկ կուղարկի Կիեւ՝ չնշելով դրանց քանակը։ Դրանից հետո վարչապետ Յոնաս Գար Շտյորեն հաստատել էր, որ երկիրը Գերմանիայից 54 Leopard տանկ կգնի, ինչպես նաեւ հայտարարել էր եւս 18 մեքենա գնելու հնարավորության մասին։
