Չեխիայի կառավարությունը չորեքշաբթի հավանություն է տվել արտաքին գործերի ազգային նախարարության առաջարկին՝ մինչեւ 2024թ. մարտի 31-ը ՌԴ-ի եւ Բելառուսի քաղաքացիներին վիզաներ եւ հանրապետությունում նրանց երկարատեւ կեցության թույլտվություն չտալու մասին։ Արգելքը մտցվել է 2022թ. փետրվարի 24-ից հետո։ Այս մասին տեղեկացրել է ČTK տեղեկատվական գործակալությունը։
Արգելքը միաժամանակ տարածվում է այն ռուսաստանցիների եւ բելառուսների վրա, որոնք ունեն երկու երկրների անձնագրեր։ ՌԴ-ի եւ Բելառուսի քաղաքացիներին վիզաներ եւ հանրապետությունում երկարատեւ կեցության թույլտվություններ իշխանությունները կտրամադրեն միայն բացառիկ դեպքերում, օրինակ՝ հումանիտար նկատառումներից ելնելով։
Չեխիան անցած տարի, արձագանքելով Ուկրաինայում ՌԴ-ի գործողություններին, նաեւ արգելել էր Ռուսաստանի եւ Բելառուսի քաղաքացիների օդանավակայաններով տարանցումն ատանց հատուկ վիզաների։ Հանրապետությունում արգելվել է նաեւ Շենգենի գոտու երկիր չհամարվող երկրներից ռուս տուրիստների մուտքը երկիր։
Չեխիայի կառավարությունը, ըստ գործակալության, հավանություն է տվել ԱԳՆ-ի առաջարկին՝ մեղմել վիզային կանոններն Ուկրաինայի քաղաքացիների համար։ Նրանց համար պարզեցվել է երկարաժամկետ վիզաներ եւ հանրապետությունում կեցության թույլտվություն ստանալու կարգը։