Կիրակի Բուլղարիայում անցկացվում են երկու տարվա ընթացքում հինգերորդ խորհրդարանական ընտրությունները, որոնք, ինչպես հույս ունեն քաղաքական առաջնորդները, վերջ կդնեն կառավարության ներսում անկայունությանը և ճանապարհ կհարթեն տնտեսական խնդիրների հաղթահարման համար, որ առաջ են եկել Ուկրաինայի շուրջ ստեղծված իրավիճակից, հաղորդում է The Associated Press-ը։

Կուսակցական առաջնորդները փորձել են մեղմել իրենց ագրեսիվ հռետորաբանությունը, որպեսզի այլընտրանք գտնեն իրար փոխարինող ժամանակավոր կառավարություններին, որ վերջին տարիներին նշանակվում են նախագահ Ռումեն Ռադևի կողմից։