Ռուս խաղաղապահ զորակազմը լուծում է այն խնդիրները, որոնք կանգնած են մեր առջեւ՝ չնայած բոլոր պրոբլեմներին։ Այս մասին լրագրողների հետ զրույցում մայիսի 9-ին ասել է Հայաստանում Ռուսաստանի Արտակարգ եւ լիազոր դեսպան Սերգեյ Կոպիրկինը։

Դեսպանը հավաստիացրել է, որ ռուս խաղաղապահ զորակազմը Լեռնային Ղարաբաղում շատ ակտիվ ջանքեր է գործադրում իրավիճակի կարգավորմանն աջակցելու նպատակով, ներառյալ Լաչինի միջանցքի բացումը (որն արդեն փակ է մոտ կես տարի- խմբ.)։

Կոպիրկինը հույս է հայտնել, որ շուտով տեղի կունենա Հայաստանի եւ Ադրբեջանի ղեկավարների հանդիպումը Մոսկվայում։ Դիվանագետն ավելացրել է, որ հանդիպման ժամկետի մասին համապատասխան տեղեկացում կարվի։