Սյունիքում սահմանային իրավիճակը շարունակում է մնալ կայուն լարված: Այս մասին NEWS.am-ի հետ զրույցում ասաց Սյունիքի մարզպետ Ռոբերտ Ղուկասյանը։
«Այս պահին վիճակում փոփոխություն չկա, ամեն ինչ նույնն է, ինչ մեզ բոլորիս հայտնի է, վիճակը բնականաբար լարված է, կայուն է, որեւէ փոփոխություններ չկան ոչ դեպի դրականը, ոչ դեպի բացասականը»,-ասաց նա:
Անդրադառանալով Տեղ գյուղում ադրբեջանական զորքերի առաջխաղացմանը, մարզպետն ասաց, որ չի կարող ասել, թե կոնկրետ ինչ տարածքի օկուպացիայի մասին է խոսքը։ Մարզպետը, սակայն ենթադրում է, որ բանակցությունները շարունակվում են ադրբեջանական զինված ուժերի հետքաշման ուղղությամբ, սակայն որեւէ տեղաշարժ այս ուղղությամբ չկա. ադրբեջանցիներըշարունակում են մնալ գյուղի տարածքում:
Նա նշեց, որ գյուղատնտեսական աշխատանքներ իրականացնելու առումով դժվարություններ են ստեղծվել սահմանամերձ համայնքներում, այդ թվում՝ Տեղ եւ Ներքին Հանդ համայնքներում:
