Ֆրանսիայի անդրծովյան տարածքում՝ Խաղաղ օվկիանոսի հարավային հատվածում, 7,1 մագնիտուդով երկրաշարժ է տեղի ունեցել: Այս մասին հայտնում է Եվրոպական-միջերկրածովյան սեյսմոլոգիական կենտրոնը։

Երկրաշարժի օջախը գտնվել է 30 կմ խորության վրա:

Երկրաշարժը տեղի է ունեցել Նոր Կալեդոնիայի մայրաքաղաք Նումեա քաղաքից 428 կմ արեւելք, որի բնակչությունը կազմում է մոտ 93 000 մարդ, եւ Թադին քաղաքից 316 կմ հարավ-արեւելք, որի բնակչությունը կազմում է մոտ 7400 մարդ: